ວັນທີ 10 ກັນຍານີ້, ສະພາຕ່ຳອາເມຣິກາໄດ້ຮັບຮອງເອົາ “ຍັດຕິກ່ຽວກັບການຢືນຢັນສຳນັກງານເສດຖະກິດ ແລະ ການຄ້າຮົງກົງ”ໂດຍຮຽກຮ້ອງໃຫ້ຍົກເລີກສິດຍົກເວັ້ນພິເສດຂອງສຳນັກງານເສດຖະກິດ ແລະ ການຄ້າຮົງກົງປະຈຳອາເມຣິກາ ຈົນເຖິງຂັ້ນປິດສຳນັກງານດັ່ງກ່າວ.

    ວັນທີ 11 ກັນຍານີ້, ໃນເວລາຕອບຄຳຖາມຕໍ່ກໍລະນີສະພາຕ່ຳອາເມຣິກາຮັບຮອງເອົາຍັດຕິຫຍໍ້ທໍ້ກ່ຽວກັບຮົງກົງ, ໂຄສົກສະຖານທູດຈີນປະຈຳອາເມຣິກາກ່າວວ່າ: ຈີນສະແດງຄວາມບໍ່ພໍໃຈແລະ ຄັດຄ້ານຢ່າງເດັດດ່ຽວຕໍ່ເລື່ອງນີ້ ໂດຍໄດ້ຕໍ່ວ່າທັກທ້ວງກັບອາເມຣິກາຢ່າງເຄັ່ງຂຶມ.

     ຈີນຮຽກຮ້ອງໃຫ້ອາເມຣິກາຈົ່ງຍຸດຕິຊຸກຍູ້ຍັດຕິທີ່ກ່ຽວຂ້ອງໃນທັນທີ, ຍຸດຕິໃສ່ປ້າຍຮ້າຍສີຕໍ່ເຂດພິເສດຮົງກົງ ແລະ ສຳນັກງານປະຈຳຢູ່ຕ່າງປະເທດຂອງຮົງກົງ, ຍຸດຕິແຊກແຊງວຽກງານຮົງກົງແລະ ວຽກງານພາຍໃນຂອງຈີນ ເພື່ອຫຼີກເວັ້ນບໍ່ໃຫ້ສ້າງຜົນຮ້າຍຕໍ່ຄວາມໝັ້ນຄົງ ແລະ ການຂະຫຍາຍສາຍພົວພັນລະຫວ່າງຈີນ ກັບ ອາເມຣິກາໄປຫຼາຍກວ່ານີ້.