ວັນທີ 11 ກັນຍານີ້, ທ່ານ ຫຼີຊຽງ ນາຍົກລັດຖະມົນຕີຈີນໄດ້ພົບປະເຈລະຈາກັບສົມເດັດ ມູຮາມມັດ ບິນ ຊາມານ ມົງກຸດລາຊະກຸມານ ທັງເປັນນາຍົກລັດຖະມົນຕີອາຣັບບີ ຊາອຸດິດຢູ່ພະຣາຊະວັງຣີຢາດ ພ້ອມທັງຮ່ວມກັນເປັນປະທານກອງປະຊຸມຄັ້ງທີ 4 ຂອງຄະນະກຳມະການຮ່ວມຂັ້ນສູງຈີນ-ອາຣັບບີ ຊາອຸດິດ.

    ຕອນຄ່ຳມື້ດຽວກັນ, ໂດຍຕອບສະໜອງຕາມຄຳເຊີນຂອງ ທ່ານ ໂມຮາມເມດ ບິນ ຣາຊິດ ຮອງປະທານາທິບໍດີ ທັງເປັນນາຍົກລັດຖະມົນຕີສະຫະລັດອາຣັບເອມິເຣດ,  ທ່ານ ຫຼີຊຽງ ໄດ້ເດີນທາງໄປຮອດສະໜາມບິນສາກົນຈາເຢດ ອາບູດາບີ ດ້ວຍຍົນພິເສດ, ເລີ່ມຢ້ຽມຢາມສະຫະລັດອາຣັບເອມິເຣດຢ່າງເປັນທາງການ.