ວັນທີ 11 ກັນຍານີ້, ທ່ານຫຼີຊຽງ ນາຍົກລັດຖະມົນຕີຈີນໄດ້ພົບປະກັບທ່ານຈາຊິມ ໂມຮາມມັດ ອັລ ບູໄດວີ ເລຂາທິການໃຫຍ່ຄະນະກຳມະການຮ່ວມມືອ່າວເປີເຊຍຢູ່ຣີຢາດ ນະຄອນຫຼວງອາຣັບບີ ຊາອຸດິດ.

    ທ່ານຫຼີຊຽງກ່າວວ່າ: ຈີນຍິນດີເພີ່ມທະວີການແລກປ່ຽນ ແລະ ການປະສານງານກັບບັນດາປະເທດສະມາຊິກຄະນະກຳມະການຮ່ວມມືອ່າວເປີເຊຍ, ພ້ອມກັນຊຸກຍູ້ການພົວພົນ ແລະ ການຮ່ວມມືລະຫວ່າງຈີນ ກັບ ຄະນະກຳມະການຮ່ວມມືອ່າວເປີເຊຍລົງເລິກຕິດແທດຕົວຈິງຢ່າງບໍ່ຢຸດຢັ້ງ ເພື່ອບັນລຸໃຫ້ຕ່າງຝ່າຍຕ່າງໄດ້ຮັບຜົນປະໂຫຍດ. ຈີນສະໜັບສະໜູນປະເທດໃນພາກພື້ນແກ້ໄຂຂໍ້ຂັດແຍ້ງໂດຍຜ່ານການສົນທະນາກັນ.