ໃນງານພົບປະສັງສັນການລົງທຶນສາກົນຈີນຄັ້ງທີ 24 ທີ່ຈັດຂຶ້ນຢູ່ນະຄອນເຊ້ຍເໝິນຂອງຈີນ ໄດ້ຈັດເຂດເຊື່ອມຕໍ່ “ການລົງທຶນຢູ່ຈີນ” ເປັນການສະເພາະເປັນຄັ້ງທຳອິດ ເຊິ່ງໄດ້ສຸມໃສ່ກຳລັງການຜະລິດໃນຄຸນນະພາບໃໝ່, ສຸມໃສ່ຂົງເຂດ AI ແລະ ຫຼາຍຂົງເຂດທີ່ຈະເລີນໃໝ່; ມີນັກທຸລະກິດເກືອບ 8 ໝື່ນຄົນຈາກ 120 ກວ່າປະເທດ ແລະ ເຂດແຄວ້ນໄດ້ເຂົ້າຮ່ວມງານພົບປະສັງສັນຄັ້ງນີ້; ຕາມສະຖິຕິ, ມີ 688 ໂຄງການໄດ້ກ້າວເຖິງຂັ້ນເຊັນສັນຍາຮ່ວມມືໃນໄລຍະຈັດງານ ເຊິ່ງມີມູນຄ່າການລົງທຶນທັງໝົດ 288,9 ຕື້ຢວນ.

ກອງປະຊຸມພົບປະສັງສັນການລົງທຶນຄັ້ງນີ້ແມ່ນຈີນຈັດງານສາກົນແບບນີ້ເປັນຄັ້ງທຳອິດ ທີ່ເນັ້ນໃສ່ຫົວຂໍ້ການລົງທຶນ ພາຍຫຼັງກອງປະຊຸມຄົບຄະນະຄັ້ງທີ 3 ຂອງຄະນະກຳມະການສູນກາງພັກກອມມູນິດຈີນສະໄໝທີ 20 ເຊິ່ງໄດ້ກາຍເປັນງານສຳຄັນສຳລັບວິສາຫະກິດຕ່າງປະເທດຊອກຮູ້ຕະຫຼາດຈີນ ແລະ ມີຜູ້ຕາງໜ້າວິສາຫະກິດຕ່າງປະເທດຫຼາຍຄົນເວົ້າວ່າ: ຈະພາດຕະຫຼາດຈີນບໍ່ໄດ້ ແລະ ຈະຫຍັບໃກ້ເຂົ້າກັບຕະຫຼາດຈີນຕື່ມອີກໃນອະນາຄົດ.