ໃນກອງປະຊຸມຖະແຫຼງຂ່າວທີ່ຈັດຂຶ້ນໂດຍຫ້ອງການຖະແຫຼງຂ່າວຂອງລັດຖະບານຈີນໃນວັນທີ 11 ກັນຍານີ້, ຜູ້ຮັບຜິດຊອບທີ່ກ່ຽວຂ້ອງໄດ້ລາຍງານວ່າ:ການຄ້າລະຫວ່າງເຂດປົກຄອງຕົນເອງເຜົ່າຈ້ວງກວາງຊີຈີນ ກັບອາຊຽນໄດ້ເພີ່ມຫຼາຍຂຶ້ນຢ່າງຕໍ່ເນື່ອງ.

    ນັບແຕ່ເດືອນມັງກອນຫາກໍລະກົດປີນີ້, ຍອດມູນຄ່າການຄ້າຂາເຂົ້າ-ຂາອອກຂອງຈີນບັນລຸເຖິງ 401 ຕື້ 330 ລ້ານຢວນ, ໃນນັ້ນ, ມູນຄ່າການຄ້າຂາເຂົ້າ-ຂາອອກກັບອາຊຽນບັນລຸເຖິງ 214 ຕື້ 930 ລ້ານຢວນ, ເພີ່ມຂຶ້ນ24,3%.

    ທ່ານທານພີ່ຊ້ວງ ຮອງປະທານເຂດປົກຄອງຕົນເອງເຜົ່າຈ້ວງກວາງຊີກ່າວວ່າ: ລະຫວ່າງເຂດກວາງຊີ ກັບ ປະເທດທີ່ກ່ຽວຂ້ອງຂອງອາຊຽນໄດ້ຄ່ອຍໆສ້າງສຳເລັດຕ່ອງໂສ້ອຸດສາຫະກຳ ແລະ ຕ່ອງໂສ້ການສະໜອງໃນຂະແໜງການຕ່າງໆ ເຊັ່ນ: ການຜະລິດລົດຍົນ,ແຜ່ນແພ ເຄື່ອງນຸ່ງ ແລະ ການຜະລິດເຈ້ຍເປັນຕົ້ນ, ການຄ້າຜະລິດຕະພັນທີ່ກ່ຽວຂ້ອງໄດ້ເພີ່ມຂຶ້ນຢ່າງວ່ອງໄວ.

    ກະຊວງການຄ້າຈີນລະບຸວ່າ: ໃນຕໍ່ໜ້າ, ເຂດກວາງຊີຈີນຈະສຸມໃສ່ຫຼາຍຂົງເຂດ ເຊັ່ນ: ລົດໃຊ້ພະລັງງານໃໝ່, ແບດເຕີຣີີລີທຽມ ແລະ ພະລັງງານແສງຕາເວັນເປັນຕົ້ນ ໂດຍເປີດກວ້າງການຮ່ວມມືທີກ່ຽວຂ້ອງລະຫວ່າງຈີນ ກັບ ບັນດາປະເທດອາຊຽນຢ່າງບໍ່ຢຸດຢັ້ງ.