ວັນທີ 14 ກັນຍານີ້, ປະຊາຊົນອິດສະຣາແອນໄດ້ຈັດການປະທ້ວງຂະໜາດໃຫຍ່ອີກຄັ້ງ ເພື່ອຮຽກຮ້ອງໃຫ້ສິ້ນສຸດການປະທະກັນລະຫວ່າງອິດສະຣາແອນ-ປາແລັດສະຕິນຮອບນີ້ໂດຍໄວ.

    ຕອນຄໍ່າວັນທີ 14 ກັນຍານີ້, ປະຊາຊົນອິດສະຣາແອນຈຳນວນຫຼວງຫຼາຍໄດ້ຈັດງານໂຮມຊຸມນຸມປະທ້ວງຢູ່ທາງນອກບ່ອນພັກອາໄສທີ່ຕັ້ງຢູ່ນະຄອນຫຼວງເຢລູຊາເລັມຂອງທ່ານເບັນຈາມິນ ເນທານຢາຮູ ນາຍົກລັດຖະມົນຕີອິດສະຣາແອນ, ຜູ້ປະທ້ວງໄດ້ຖືເອົາທຸງຊາດອິດສະຣາແອນ ແລະ ຮູບຂອງຜູ້ຖືກກັກໂຕ, ຮຽກຮ້ອງໃຫ້ບັນລຸສັນຍາຢຸດຍິງ ແລະ ແລກເອົາຜູ້ຖືກກັກໂຕ.

    ມື້ດຽວກັນ, ປະຊາຊົນອິດສະຣາແອນຍັງໄດ້ຈັດການປະທ້ວງຂະໜາດໃຫຍ່ຢູ່ນະຄອນເຕລາວິຟ ຢາໂຟ, ຮຽກຮ້ອງໃຫ້ທ່ານເບັນຈາມິນ ເນທານຢາຮູລາອອກຈາກຕຳແໜ່ງ ແລະ ຄັດຄ້ານລັດຖະບານອິດສະຣາແອນທີ່ເຮັດໃຫ້ການປະທະກັນດຳເນີນຕໍ່ໄປອີກ.