ຫວ່າງມໍ່ໆມານີ້, ໃນເວລາເຂົ້າຮ່ວມກອງປະຊຸມຄັ້ງທີ57ຂອງສະພາສິດທິມະນຸດອົງການສະຫະປະຊາຊາດຢູ່ນະຄອນເຊີແນວ, ທ່ານນາງ ຫຼີຊ້ຽວເມີຍ ຜູ້ຕາງໜ້າຖາວອນຈີນໄດ້ທວງໃຫ້ປະເທດຕາເວັນຕົກເຊັ່ນອາເມຣິກາເປັນຕົ້ນຍົກເລີກການລົງໂທດແຕ່ຝ່າຍດຽວຢ່າງຜິດກົດໝາຍຕໍ່ຈີນ.

   ທ່ານນາງ ຫຼີຊ້ຽວເມີຍກ່າວວ່າ: ການລົງໂທດແຕ່ຝ່າຍດຽວໄດ້ລະເມີດຈຸດປະສົງແລະຫຼັກການຂອງກົດບັດອົງການສະຫະປະຊາຊາດຢ່າງໜັກໜ່ວງ, ລະເມີດກົດລະບຽບພື້ນຖານຂອງການພົວພັນສາກົນຢ່າງໜັກໜ່ວງ ແລະໄດ້ລ່ວງລ້ຳສິດທິມະນຸດຢ່າງໜັກໜ່ວງ, ຈີນໄດ້ຄັດຄ້ານເລື່ອງນີ້ຢ່າງເດັດດ່ຽວມາໂດຍຕະຫຼອດ. ວຽກງານສິດທິມະນຸດຂອງອາເມຣິກາເຮັດບໍ່ໄດ້ດີ, ພັດໄປຄຸ້ມຄອງປະເທດອື່ນໂດຍອາໄສກົດໝາຍຂອງປະເທດຕົນເລື້ອຍໆ, ທີ່ຈິງແລ້ວ ເປັນການລ່ວງລ້ຳສິດທິມະນຸດຂອງປະເທດອື່ນດ້ວຍຂໍ້ອ້າງ “ປະຊາທິປະໄຕ ແລະສິດທິມະນຸດ”. ຈີນທວງໃຫ້ປະເທດຕາເວັນຕົກເຊັ່ນອາເມຣິກາເປັນຕົ້ນ ຕັ້ງໃຈຮັບຟັງສຽງຮ້ອງອັນເປັນທຳຂອງປະຊາຄົມໂລກ, ຍົກເລີກການລົງໂທດແຕ່ຝ່າຍດຽວທີ່ຜິດກົດໝາຍສາກົນນັ້ນທັງໝົດຕໍ່ປະເທດທີ່ພວມພັດທະນາໃນທັນທີ.