ວັນທີ 14 ກັນຍານີ້, ກິດຈະກຳສະເພາະເຢຍລະມັນເພື່ອສະຫຼອງສປຈີນສ້າງຕັ້ງຂຶ້ນຄົບຮອບ 75 ປີພາຍໃຕ້ຫົວຂໍ້ວ່າ “ປະດິດແຕ່ງກາງຫາວ:ເລື່ອງຂ້ອຍກັບປະເທດຈີນ” ໄດ້ຈັດຂຶ້ນຢູ່ນະຄອນຫຼວງແບັກແລັງ. ກິດຈະກຳເທື່ອນີ້ຈັດຂຶ້ນໂດຍວິທະຍຸໂທລະພາບສູນກາງຈີນ ຫຼື CMG, ສະຖານທູດຈີນປະຈຳເຢຍລະມັນ ແລະ ສູນການຮ່ວມມື ແລະ ແລກປ່ຽນພາສາຈີນ ແລະ ຕ່າງປະເທດຂອງກະຊວງສຶກສາທິການຈີນ. ທ່ານເຊີ້ນໄຫຊົງຮອງຫົວໜ້າຄະນະໂຄສະນາອົບຮົມສູນກາງພັກຄອມມູນິດຈີນ, ຜູ້ອຳນວຍການໃຫຍ່ CMG ໄດ້ກ່າວຄຳປາໄສໂດຍຜ່ານທາງວິດີໂອ.

     ທ່ານເຊີ້ນໄຫຊົງກ່າວວ່າ: ເນື່ອງໃນໂອກາດສປຈີນສ້າງຕັ້ງຂຶ້ນຄົບຮອບ 75 ປີຈະໜູນວຽນມາເຖິງນີ້, CMG ເລີ່ມຈັດ ກິດຈະກຳຂໍບົດຄວາມຢູ່ທົ່ວໂລກພາຍໃຕ້ຫົວຂໍ້ວ່າ “ປະດິດແຕ່ງກາງຫາວ:ເລື່ອງຂ້ອຍກັບປະເທດຈີນ”, ເພື່ອນມິດ 60 ກວ່າປະເທດໄດ້ເລົ່າເລື່ອງຂອງເຂົາເຈົ້າກັບປະເທດຈີນຈຳນວນ 1.600 ກວ່າເລື່ອງ. ຕົວອັກສອນທີ່ຕ່າງກັນໄດ້ສະແດງອາລົມຈິດໃຈຄືກັນ ໂດຍສ່ອງແສງໃຫ້ເຫັນວ່າປະຊາຊົນປະເທດຕ່າງໆຄອງຄອຍສັນຕິພາບ ແລະ ຄວາມດີງາມຢ່າງເລິກເຊິ່ງ ພ້ອມທັງເຕົ້າໂຮມມິດຕະພາບຂ້າມຊາດ. ພວກເຮົາຈະຖືການເພີ່ມທະວີການແລກປ່ຽນດ້ານວັດທະນະທຳສາກົນ ແລະ ການຊຸກຍູ້ການສົນທະນາອະລິຍະທຳທົ່ວໂລກເປັນຄວາມຮັບຜິດຊອບຂອງຕົນ, ເກາະແຂນກັນເດີນຕາມເສັ້ນທາງທີ່ຊຸກຍູ້ສ້າງປະຊາຄົມຮ່ວມຊາຕາກຳຂອງມວນມະນຸດ.

    ກິດຈຳກຳນີ້ຍັງຈະຈັດຂຶ້ນຢູ່ອາເມຣິກາ, ການາດາ, ຣັດເຊຍ, ອົສຕຣາລີ, ອາຣັບບີຊາອຸດິດ, ແມກຊິກ, ນີເຊຣີ ແລະ ປະເທດອື່ນໆຕາມລຳດັບໃນໄລຍະນີ້.