ວັນທີ 15 ກັນຍານີ້, ອົງການຕິດຕາມກວດກາພະລັງງານຢູ່ເທິງທະເລອາເມຣິກາກ່າວວ່າ, ຍ້ອນໄດ້ຮັບຜົນກະທົບຈາກ ພາຍຸໄຕ້ຝຸ່ນແຟຣນຊິນ,  ເຂດນ້ຳຢູ່ອ່າວແມັກຊິກຂອງອາເມຣິກາໄດ້ຢຸດການຜະລິດນ້ຳມັນດິບເກືອບ 20% ແລະ ອາຍແກັສທໍາມະຊາດ 28%. ອົງການປະຕິບັດກົດໝາຍດ້ານຄວາມໝັ້ນຄົງ ແລະ ສິ່ງແວດລ້ອມອາເມຣິກາຄາດຄະເນວ່າ, ວິສາຫະກິດຜະລິດພະລັງງານໄດ້ຢຸດການຜະລິດນ້ຳມັນດິບ 338.690 ບາເຣວ ແລະ ອາຍແກັສທຳມະຊາດເກືອບ 14.583.152 ແມັດກ້ອນຢູ່ເຂດທະເລອ່າວແມັກຊິກຂອງອາເມຣິກາ.

    ຫວ່າງມໍ່ໆມານີ້, ພາຍຸໄຕ້ຝຸ່ນແຟຣນຊິນໄດ້ພັດຜ່ານເຂດຜະລິດນ້ຳມັນ ແລະ ອາຍແກັສທຳມະຊາດຕົ້ນຕໍຢູ່ເທິງທະເລຂອງອາເມຣິກາ,  ຍັງໄດ້ເຮັດໃຫ້ລະບົບໄຟຟ້າຢູ່ 4 ລັດທາງພາກໃຕ້ຂອງອາເມຣິກາຖືກຕັດຂາດ.