ວັນທີ 16 ກັນຍານີ້, ທ່ານນາງເດວຊີ ໂຣດຣິເກີສ ຮອງນາຍົກລັດຖະມົນຕີເວເນຊູເອລາໄດ້ກ່າວໃນລາຍການໂທລະພາບວ່າ: ອາເມຣິກາໄດ້ດຳເນີນການລົງໂທດທີ່ຜິດກົດໝາຍແລະນະໂຍບາຍການຕ່າງປະເທດທີ່ເປັນສົງຄາມເສດຖະກິດຕໍ່ເວເນຊູເອລາ.

   ທ່ານນາງ ໂຣດຣິເກີສ ກ່າວຕື່ມວ່າ: ໃນ10ກວ່າປີມານີ້ ອາເມຣິກາໄດ້ດຳເນີນການອັດຕັນທາງເສດຖະກິດຕໍ່ເວເນຊູເອລາ, ແລະວາງແຜນການຍົກຍ້າຍປະຊາຊົນທີ່ແນໃສ່ເວເນຊູເອລາ, ແຜນການນີ້ແມ່ນດຳເນີນການອັດຕັນທາງເສດຖະກິດເພື່ອໃສ່ຄວາມກົດດັນ, ບັງຄັບໃຫ້ຜູ້ມີຄວາມຮູ້ຄວາມສາມາດໃນຂົງເຂດການບໍລິການສາທາລະນະ, ອຸດສາຫະກຳນ້ຳມັນເຊື້ອໄຟ ແລະສາທາລະນະສຸກເປັນຕົ້ນໄຫຼເຂົ້າສູ່ອາເມຣິກາ. ນະໂຍບາຍເຫຼົ່ານີ້ໄດ້ສ້າງຜົນກະທົບຢ່າງໜັກໜ່ວງຕໍ່ເສດຖະກິດເວເນຊູເອລາ, ແຕ່ບໍ່ໄດ້ເຮັດໃຫ້ເວເນຊູເອລາລົ້ມລົງ.

   ທ່ານນາງຍັງກ່າວວ່າ: ບໍ່ພຽງແຕ່ເວເນຊູເອລາເທົ່ານັ້ນ, ອາເມຣິກາຍັງໄດ້ໃຊ້ນະໂຍບາຍເຊັ່ນກັນຕໍ່ຫຼາຍປະເທດທີ່ບໍ່ຍອມຕໍ່ເຈດຈຳນົງຂອງອາເມຣິກາ ຫຼືບໍ່ສອດຄ່ອງກັບຜົນປະໂຫຍດຂອງອາເມຣິກາ.