ແຫຼ່ງຂ່າວຈາກກະຊວງສາທາລະນະສຸກລີບັງແຈ້ງໃຫ້ຮູ້ວ່າ: ເຫດການອຸປະກອນການສື່ສານເຊັ່ນວ່າໂຟນີເປັນຕົ້ນ ທີ່ເກີດຂຶ້ນລະເບີດຂຶ້ນຢູ່ແຫ່ງຕ່າງໆຂອງລີບັງໃນວັນທີ 18 ກັນຍານີ້ ໄດ້ເຮັດໃຫ້ມີຜູ້ເສຍຊີວິດແລ້ວ 20 ຄົນ, 450 ກວ່າຄົນໄດ້ຮັບບາດເຈັບ.

ທ່ານວອນເກີ ເຕີກ (Volker Türk）ເຈົ້າໜ້າທີ່ລະດັບສູງດ້ານວຽກງານສິດທິມະນຸດອົງການສະຫະປະຊາຊາດກ່າວໃນວັນທີ 18 ກັນຍານີ້ວ່າ: ເຫດການອຸປະກອນການສື່ສານທີ່ເກີດລະເບີດຂຶ້ນຢູ່ລີບັງເມື່ອບໍ່ດົນມານີ້ເປັນເຫດສະເທືອນຂວັນ, ອັນໄດ້ສົ່ງຜົນກະທົບຕໍ່ສາມັນຊົນຊາວລີບັງ ເຊິ່ງເປັນເຫດການທີ່ບໍ່ສາມາດຍອມຮັບໄດ້. ທ່ານຮຽກຮ້ອງໃຫ້ມີການກວດກາທີ່ເປັນອິດສະຫຼະ, ເຖິງຖອງ ແລະ ໂປ່ງໃສຕໍ່ເຫດການຫຼອນໂຈມຕີດ້ວຍເຫດລະເບີດດັ່ງກ່າວ, ສືບສວນຫາຄວາມຮັບຜິດຊອບຕໍ່ຜູ້ອອກຄຳສັ່ງ ແລະ ຜູ້ປະຕິບັດການໃນເຫດລະເບີດດັ່ງກ່າວ. ພ້ອມກັນນັ້ນ, ທ່ານຍັງຮຽກຮ້ອງໃຫ້ປະເທດທີ່ມີອິດທິພົນໃນເຂດແຄວ້ນດັ່ງກ່າວຈົ່ງນຳໃຊ້ມາດຕະການໃນທັນທີ ເພື່ອປ້ອງກັນບໍ່ໃຫ້ການປະທະກັນຂະຫຍາຍວົງກວ້າງອອກໄປຕື່ມອີກ.

ວັນທີ 17 ກັນຍານີ້, ເຄື່ອງຮັບສົ່ງຂໍ້ຄວາມ ຫຼື ເພສເຈີທີ່ສະມາຊິກພັກເຮສໂບນລາລີບັງນຳຕິດຕົວ ໄດ້ເກີດລະເບີດຂຶ້ນເປັນບໍລິເວນກວ້າງ, ເຮັດໃຫ້ມີ 12 ຄົນເສຍຊີວິດ, ປະມານ 2.800 ຄົນໄດ້ຮັບບາດເຈັບ. ພັກເຮສໂບນລາລີບັງໄດ້ອອກຖະແຫຼງການວ່າ: ອິສຣາແອນຄວນຮັບຜິດຊອບຕໍ່ເຫດການເຄື່ອງເພສເຈີລະເບີດທີ່ເກີດຂຶ້ນຢູ່ແຫ່ງຕ່າງໆຂອງລີບັງ.