ວັນທີ 18 ກັນຍານີ້, ທະນາຄານກາງອາເມຣິກາປະກາດວ່າ, ຈະປັບຫຼຸດອັດຕາດອກເບ້ຍຂອງກອງທຶນສະຫະລັດໃຫ້ຕ່ຳລົງ 0.5%, ລົງເປັນລະຫວ່າງ4,75% - 5.00%, ນີ້ແມ່ນທະນາຄານກາງອາເມຣິກາປັບຫຼຸດອັດຕາດອກເບ້ຍເປັນຄັ້ງທຳອິດນັບແຕ່ເດືອນມີນາປີ 2020 ເປັນຕົ້ນມາ, ເປັນຂີດໝາຍສະແດງໃຫ້ເຫັນວ່າອາເມຣິກາໄດ້ຫັນຈາກໄລຍະນະໂຍບາຍເງິນຕາຮັດກຸມ ໄປສູ່ໄລຍະນະໂຍບາຍເງິນຕາແບບຜ່ອນຄາຍ.

ໃນກອງປະຊຸມຖະແຫຼງຂ່າວທີ່ຈັດຂຶ້ນພາຍຫຼັງ, ທ່ານເຈໂຣມ ພາວເວວ ປະທານທະນາຄານກາງອາເມຣິກາກ່າວວ່າ: ການປັບຫຼຸດອັດຕາດອກເບ້ຍໃຫ້ຕ່ຳລົງ 0.5% ເປັນ “ມາດຕະການທີ່ເຂັ້ມແຂງ”. ທ່ານກ່າວຕື່ມວ່າ ຄະນະກຳມະການຕະຫຼາດເປີດເຜີຍຂອງສະຫະລັດບໍ່ເຫັນວ່າ ການປັບຫຼຸດອັດຕາດອກເບ້ຍຄັ້ງນີ້ໄດ້ຊ້າກວ່າກຳນົດ, ແຕ່ແມ່ນມາດຕະການທີ່ທັນກັບສະພາບການ.