ວັນທີ 21 ກັນຍານີ້, ເນື່ອງໃນໂອກາດທີ່ກອງປະຊຸມສຸດຍອດອະນາຄົດຂອງອົງການສະຫະປະຊາຊາດໃກ້ຈະຈັດຂຶ້ນ, ກິດຈະກຳພາຍໃຕ້ຫົວຂໍ້ “ພະລັງງານອະນາຄົດ” ໄດ້ຈັດຂຶ້ນຢູ່ນະຄອນນິວຢອກຂອງອາເມຣິກາ, ພ້ອມທັງໄດ້ເຜີຍແຜ່ “ຖະແຫຼງການພະລັງງານໃນອະນາຄົດ”, ໂດຍມີຈຸດປະສົງເພື່ອຊຸກຍູ້ການແລກປ່ຽນ ແລະ ການຮ່ວມມືໃນຂົງເຂດພະລັງງານຂອງໂລກ, ສົ່ງເສີມໃຫ້ຝ່າຍຕ່າງໆຮ່ວມກັນຊຸກຍູ້ການປ່ຽນແປງໃໝ່ ແລະ ການພັດທະນາແບບຍືນຍົງຂອງພະລັງງານໂລກ. ແຂກຜູ້ມີກຽດ 200 ກວ່າທ່ານທີ່ມາຈາກ 30 ກວ່າປະເທດ ແລະ ອົງການຈັດຕັ້ງສາກົນໄດ້ເຂົ້າຮ່ວມກິດຈະກຳ.

ທ່ານຟູ້ຊົ່ງ ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດກ່າວວ່າ, ເຮັດແນວໃດຈຶ່ງສາມາດສ້າງໂລກທີ່ສະອາດ ແລະ ສວຍງາມ, ສ້າງອະນາຄົດທີ່ດີງາມກວ່າເກົ່າ, ແມ່ນຫົວຂໍ້ສຳຄັນທີ່ຕ້ອງການໃຫ້ປະຊາຄົມໂລກພິຈາລະນາຮ່ວມກັນ, ປະຊາຄົມໂລກຄວນເພີ່ມທະວີຄວາມສາມັກຄີ ແລະ ການຮ່ວມມື, ຮັບມືກັບສິ່ງທ້າທາຍຕ່າງໆ, ເຊັ່ນ: ການປ່ຽນແປງຂອງດິນຟ້າອາກາດທີ່ນັບມື້ນັບຮ້າຍແຮງຂຶ້ນ, ໄພທຳມະຊາດເກີດຂຶ້ນເລື້ອຍໆ, ຊຸກຍູ້ການຫັນປ່ຽນຮູບການພະລັງງານຢ່າງຍຸຕິທຳ ແລະ ເປັນລະບຽບ, ເລັ່ງລັດຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ.