ວັນທີ 10 ກັນຍານີ້, ບໍລິສັດທາງລົດໄຟສິນຄ້າຍີ່ປຸ່ນ ເຊິ່ງເປັນບໍລິສັດຂົນສົ່ງສິນຄ້າຕາມທາງລົດໄຟໃຫຍ່ທີ່ສຸດຂອງຍີ່ປຸ່ນໄດ້ຖືກເປີດເຜີຍວ່າ ມີບັນຫາການປອມແປງຂໍ້ມູນໃນຂັ້ນຕອນການເອົາລໍ້ລົດໄຟເຂົ້າເພົາ. ຫຼັງຈາກນັ້ນ, ບໍລິສັດທາງລົດໄຟໂດຍສານຍີ່ປຸ່ນຕາເວັນອອກ ເຊິ່ງເປັນບໍລິສັດຂົນສົ່ງຜູ້ໂດຍສານຕາມທາງລົດໄຟໃຫຍ່ທີ່ສຸດຂອງຍີ່ປຸ່ນໄດ້ຍອມຮັບໃນວັນທີ 20 ກັນຍານີ້ວ່າ: ບໍລິສັດຕົນກໍມີບັນຫາການປອມແປງຂໍ້ມູນເຊັ່ນດຽວກັນ.

ໃນຖານະເປັນບໍລິສັດຂົນສົ່ງຜູ້ໂດຍສານຕາມທາງລົດໄຟໃຫຍ່ທີ່ສຸດຂອງຍີ່ປຸ່ນ, ບໍລິສັດທາງລົດໄຟໂດຍສານຍີ່ປຸ່ນຕາເວັນອອກໄດ້ຍອມຮັບຕໍ່ສັງຄົມໃນວັນທີ 20 ກັນຍານີ້ວ່າ: ລະຫວ່າງປີ2008-2017, ຈຸດກວດກາແລະສ້ອມແປງແຫ່ງໜຶ່ງໃນເທດສະບານນະຄອນຫຼວງໂຕກຽວ, ໃນຂັ້ນຕອນທີ່ພະນັກງານກ່ຽວຂ້ອງເອົາລໍ້ລົດໄຟເຂົ້າເພົານັ້ນ ຄ່າແຮງກົດດັນຂອງເພົາລົດປະມານ 4.900 ເພົາແມ່ນບໍ່ໄດ້ມາດຕະຖານ, ໃນນັ້ນ, ຂໍ້ມູນກວດທົດລອງຂອງເພົາລົດປະມານ 1.200 ເພົາແມ່ນຖືກປອມແປງໃຫ້ເປັນຄ່າມາດຕະຖານຕາມລຳພັງໃຈ.