ວັນທີ 23 ກັນຍານີ້, ທ່ານຫຼິນຈ້ຽນ ໂຄສົກກະຊວງການຕ່າງປະເທດຈີນເປີດເຜີຍໃຫ້ຮູ້ວ່າ: ວັນທີ 24 ກັນຍານີ້, ທ່ານຕິ່ງເຊ່ສຽງ ກຳມະການປະຈຳກົມການເມືອງສູນກາງພັກຄອມມູນິດຈີນ, ຮອງນາຍົກລັດຖະມົນຕີຈີນຈະເຂົ້າຮ່ວມພິທີໄຂງານວາງສະແດງສິນຄ້າຈີນ-ອາຊຽນຄັ້ງທີ 21 ແລະ ກອງປະຊຸມສຸດຍອດການຄ້າ ແລະການລົງທຶນຈີນ-ອາຊຽນຄັ້ງທີ 21 ທີ່ຈະຈັດຂຶ້ນຢູ່ນະຄອນນານນິງເຂດປົກຄອງຕົນເອງເຜົ່າຈ້ວງກວາງຊີຂອງຈີນ ແລະ ກ່າວຄຳປາໄສ.

ທ່ານກິແກ້ວ ໄຂຄຳພິທູນ ຮອງນາຍົກລັດຖະມົນຕີລາວ, ທ່ານອັນວາ ບິນ ອີບຣາຮິມ ນາຍົກລັດຖະມົນຕີມາເລເຊຍຈະກ່າວຄຳປາໄສຜ່ານທາງວິດີໂອ, ທ່ານວົງເຊ ວິດໂຊດຊ ຮອງນາຍົກລັດຖະມົນຕີທັງເປັນລັດຖະມົນຕີຫ້ອງວ່າການລັດຖະບານກຳປູເຈຍ, ທ່ານໂຮດຶກເຟືອກ ຮອງນາຍົກລັດຖະມົນຕີທັງເປັນລັດຖະມົນຕີກະຊວງການເງິນຫວຽດນາມ, ທ່ານກາວກິມຮູນ ເລຂາທິການໃຫຍ່ອາຊຽນ, ພ້ອມດ້ວຍຜູ້ນຳ ແລະ ເຈົ້າໜ້າທີ່ລະດັບສູງຂອງປະເທດສະມາຊິກອາຊຽນຈະເຂົ້າຮ່ວມພິທີໄຂ.