ວັນທີ 25 ກັນຍານີ້, ທະນາຄານພັດທະນາອາຊີ ຫຼື ADB ໄດ້ເຜີຍແຜ່ບົດລາຍງານພາຍໃຕ້ຫົວຂໍ້ “ຈ້ອງມອງເບິ່ງການພັດທະນາຂອງອາຊີໃນປີ 2024 (ສະບັບເດືອນກັນຍາ)” ໂດຍຄາດຄະເນວ່າ, ການເຕີບໂຕດ້ານເສດຖະກິດຂອງພາກພື້ນອາຊີ-ປາຊິຟິກໃນປີ 2024 ຈະຢູ່ໃນລະດັບ 5%, ຂະນະທີ່ປີ 2025 ຈະເຕີບໂຕ 4,9%. ໃນນັ້ນ ການເຕີບໂຕດ້ານເສດຖະກິດຂອງຈີນໃນປີ 2024 ຄາດວ່າຈະຢູ່ໃນລະດັບ 4,8% ແລະ ປີ 2025 ຈະຢູ່ໃນລະດັບ 4,5%.

   ບົດລາຍງານສະບັບດັ່ງກ່າວຍັງລະບຸວ່າ: ກຸ່ມເສດຖະກິດພວມພັດທະນາໃນອາຊີໄດ້ຮັກສາພະລັງແຮງແຫ່ງການເຕີບໂຕດ້ານເສດຖະກິດໃນ 6 ເດືອນຕົ້ນປີ 2024, ໄພເງິນເຟີ້ໄດ້ຫຼຸດລົງຢ່າງຕໍ່ເນື່ອງ, ອັດຕາໄພເງິນເຟີ້ຕົ້ນຕໍໄດ້ຫຼຸດລົງຮອດລະດັບກ່ອນການແພ່ລະບາດຂອງພະຍາດໂຄວິດ-19. ພ້ອມດຽວກັນນີ້, ການສົ່ງອອກສິນຄ້າຂອງກຸ່ມເສດຖະກິດພວມພັດທະນາເຫຼົ່ານີ້ໄດ້ເພີ່ມຂຶ້ນຢ່າງໝັ້ນທ່ຽງ, ໃນນັ້ນ, ວິສາຫະກິດວິທະຍາສາດເຕັກໂນໂລຊີທີ່ມີລາຍຮັບສູງ ແລະ ປະເທດຈີນໄດ້ສະໜອງແຮງຂັບເຄື່ອນຕົ້ນຕໍ. ນອກນີ້, ຕະຫຼາດການເງິນມີຄວາມຕ້ານທານຕໍ່ຄວາມກົດດັນອ່າວແຂງແຮງ, ເງິນຕາຂອງປະເທດຕ່າງໆໄດ້ຮັກສາຄວາມໝັ້ນທ່ຽງໂດຍພື້ນຖານ.