ອີງຕາມຕົວເລກຂໍ້ມູນຫຼ້າສຸດຂອງອົງການພາສີແຫ່ງຊາດຈີນແຈ້ງໃຫ້ຮູ້ວ່າ: ຍອດມູນຄ່າການຄ້າສອງຝ່າຍລະຫວ່າງຈີນ-ອາຊຽນໄດ້ເພີ່ມຈາກ 876 ຕື້ 380 ລ້ານຢວນເມື່ອປີ 2004 ຂຶ້ນເປັນ 6,410 ຕື້ຢວນເມື່ອປີ 2023, ໂດຍສະເລ່ຍແລ້ວໄດ້ເຕີບໂຕ 11% ຕໍ່ປີ, ໄວກວ່າ 3% ເມື່ອທຽບໃສ່ຈັງຫວະການເຕີບໂຕດ້ານການຄ້າກັບຕ່າງປະເທດໂດຍລວມຂອງຈີນທີ່ມີຈັງຫວະການເຕີບໂຕເຖິງ 8%, ຂະນະທີ່ຍອດມູນຄ່າການຄ້າສອງຝ່າຍລະຫວ່າງຈີນ-ອາຊຽນໄດ້ກວມເອົາ 9,2% ຂອງຍອດມູນຄ່າການຄ້າຕ່າງປະເທດຂອງຈີນໃນປີ 2004, ເມື່ອປີ 2023 ໄດ້ເພີ່ມຂຶ້ນຮອດ 15,4% ແລ້ວ.

   ໃນ 8 ເດືອນປີນີ້, ອາຊຽນສືບຕໍ່ເປັນຄູ່ຄ້າໃຫຍ່ອັນດັບ 1 ຂອງຈີນ. ຍອດມູນຄ່າສິນຄ້ານໍາເຂົ້າ-ສົ່ງອອກຂອງຈີນຕໍ່ອາຊຽນໄດ້ເພີ່ມຂຶ້ນ 10% ເມື່ອທຽບໃສ່ໄລຍະດຽວກັນຂອງປີ 2023, ໄວກວ່າ 4% ເມື່ອທຽບໃສ່ຈັງຫວະການເຕີບໂຕດ້ານການຄ້າກັບຕ່າງປະເທດໂດຍລວມຂອງຈີນທີ່ມີຈັງຫວະການເຕີບໂຕເຖິງ 6%, ກວມເອົາ 15% ຂຶ້ນໄປຂອງຍອດມູນຄ່າການຄ້າກັບຕ່າງປະເທດຂອງຈີນ.