ວັນທີ 24 ກັນຍານີ້, ກະຊວງການຄ້າຈີນ, ອົງການສະຖິຕິແຫ່ງຊາດຈີນ ແລະ ອົງການຄຸ້ມຄອງເງິນຕາຕ່າງປະເທດຈີນຮ່ວມກັນເຜີຍແຜ່ “ຖະແຫຼງການກ່ຽວກັບສະຖິຕິການລົງທຶນຕໍ່ຕ່າງປະເທດໂດຍກົງຂອງຈີນໃນປີ 2023”, ຖະແຫຼງການລະບຸວ່າ, ປະລິດມານດການລົງທຶນຕໍ່ຕ່າງປະເທດຂອງຈີນສືບຕໍ່ຮັກສາຢູ່ແຖວໜ້າຂອງໂລກ.

ຖະແຫຼງການໄດ້ສະແດງໃຫ້ເຫັນເຖິງສະພາບການລົງທຶນຕໍ່ຕ່າງປະເທດໂດຍກົງຂອງຈີນໃນປີ 2023 ຢ່າງຮອບດ້ານ, ຕົ້ນຕໍມີຈຸດພິເສດດັ່ງລຸ່ມນີ້:

ໜຶ່ງ, ປະລິມານການລົງທຶນສືບຕໍ່ຮັກສາຢູ່ແຖວໜ້າຂອງໂລກ. ສອງ, ວິສາຫະກິດຈີນທີ່ດຳເນີນທຸລະກິດຢູ່ຕ່າງປະເທດກວມປະເທດ ແລະ ເຂດແຄວ້ນທັງໝົດໃນໂລກຫຼາຍກວ່າ 80%. ສາມ, ຂົງເຂດການລົງທຶນສືບຕໍ່ເພີ່ມຂຶ້ນ, ຈຳນວນການລົງທຶນຫຼາຍກວ່າ 80% ແມ່ນຢູ່ໃນ 4 ຂົງເຂດໃຫຍ່. ສີ່, ການລົງທຶນຢູ່ອາຊີ ແລະ ອາຟຣິກາໄດ້ເພີ່ມຂຶ້ນຢ່າງວ່ອງໄວ, ການລົງທຶນໂດຍກົງຕໍ່ປະເທດຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ເພີ່ມຂຶ້ນຫຼາຍກວ່າ 30%. ຫ້າ, ໄດ້ສ້າງປະກອບສ່ວນເຂົ້າໃນການເຕີບໂຕຂອງເສດຖະກິດໂລກນັບມື້ນັບພົ້ນເດັ່ນຂຶ້ນ.