ວັນທີ 25 ກັນຍານີ້, ບົດລາຍງານການພັດທະນາການຄ້າດິຈີຕອນຈີນໄດ້ຖືກເຜີຍແຜ່ເປັນຄັ້ງທຳອິດຢູ່ໃນງານວາງສະແດງການຄ້າດິຈີຕອນໂລກຄັ້ງທີ3ທີ່ຈັດຂຶ້ນຢູ່ນະຄອນຫາງໂຈ່ວແຂວງເຈີ້ຈ່ຽງປະເທດຈີນ. ບົດລາຍງານສະບັບນີ້ປະກອບມີ 3 ພາກ 10 ຫົວຂໍ້.

ໂອກາດດັ່ງກ່າວ, ທ່ານຫຼິນຈ້ຽນ ຮອງຫົວໜ້າສູນສົ່ງເສີມອຸດສາຫະກຳການຈໍລະຈອນກະຊວງການຄ້າຈີນໃຫ້ຮູ້ວ່າ: ການຄ້າດິຈີຕອນມີຄວາມໝາຍສຳຄັນຕໍ່ການຊຸກຍູ້ການພັດທະນາເສດຖະກິດຮູບປະທຳແລະເສດຖະກິດດິຈີຕອນໃຫ້ເຊື່ອມໂຍງເຂົ້າກັນ, ສ້າງສະພາບແວດລ້ອມເສດຖະກິດດິຈີຕອນທີ່ເປີດກວ້າງ,ກວມລວມ ແລະ ບໍ່ມີການຈຳແນກ. ຈີນໄດ້ຄອງຖານະເປັນຕະຫຼາດຂາຍຍ່ອຍທາງອິນເຕີເນັດໃຫຍ່ອັນດັບໜຶ່ງຂອງໂລກເປັນເວລາ11ປີຕິດຕໍ່ກັນ. ໃນຫົກເດືອນຕົ້ນປີນີ້, ມູນຄ່າການຄ້າເອເລັກໂຕຣນິກຂ້າມຊາດໄດ້ກວມມູນຄ່າການຄ້າຕໍ່ຕ່າງປະເທດເຖິງ5,7%, ການລົງທຶນໂດຍກົງຕໍ່ຕ່າງປະເທດໃນຂົງເຂດເສດຖະກິດດິຈີຕອນໄດ້ເພີ່ມຂຶ້ນ30%, ເຂດສາທິດນຳທາງການຮ່ວມມື “ເສັ້ນທາງສາຍໄໝການຄ້າເອເລັກໂຕຣນິກ” ທີ່ກໍ່ສ້າງຢູ່ນະຄອນຊຽງໄຮໄດ້ກາຍເປັນໂອກາດໃໝ່ສຳລັບຮ່ວມກັນແບ່ງເປັນຕະຫຼາດໃຫຍ່ດ້ານການຄ້າເອເລັກໂຕຣນິກທົ່ວໂລກ.