ວັນທີ 25 ກັນຍານີ້, ທ່ານຫຼິນຈ້ຽນ ໂຄສົກກະຊວງການຕ່າງປະເທດຈີນເປັນປະທານຈັດກອງປະຊຸມຖະແຫຼງຂ່າວປະຈຳວັນຢູ່ນະຄອນຫຼວງປັກກິ່ງ.

ໃນໂອກາດຕອບຄຳຖາມຂອງນັກຂ່າວກ່ຽວກັບວິກິດການລະຫວ່າງລີບັງ-ອິດສະຣາແອນ, ທ່ານຫຼິນຈ້ຽນກ່າວວ່າ: ຈີນຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງຈົ່ງປະຕິບັດມາດຕະການໃນທັນທີເພື່ອຜ່ອນຄາຍວິກິດການລະຫວ່າງລີບັງ-ອິດສະຣາແອນ, ປ້ອງກັນບໍ່ໃຫ້ສະຖານະການຢູ່ພາກພື້ນເຄັ່ງຕຶງຂຶ້ນຕື່ມອີກ, ປົກປັກຮັກສາສັນຕິພາບ ແລະ ສະຖຽນລະພາບ ແລະ ຄວາມປອດໄພດ້ານຊີວິດຂອງປະຊາຊົນຢູ່ເຂດຕາເວັນອອກກາງ. ຈີນຍິນດີສືບຕໍ່ທຳຄວາມພະຍາຍາມຢ່າງບໍ່ລົດລະຮ່ວມກັບປະຊາຄົມໂລກເພື່ອບັນລຸເປົ້າໝາຍດັ່ງກ່າວ.