ເມື່ອມໍ່ໆມານີ້, ລູກຫຼານຂອງຜູ້ດື່ມນ້ຳສາບານຕໍ່ໜ້າສີລາຈາກລຶກຄວາມສາມັກຄີລະຫວ່າງຊົນເຜົ່າຜູເອີແຂວງຢູນນານໄດ້ສົ່ງຈົດໝາຍເຖິງທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ ປະທານປະເທດຈີນ ປະທານຄະນະກຳມະການການທະຫານສູນກາງຈີນ ເພື່ອລາຍງານສະພາບກ່ຽວກັບປະຊາຊົນບັນດາເຜົ່າຂອງທ້ອງຖິ່ນຕົນມີຊີວິດການເປັນຢູ່ທີ່ມີຄວາມສຸກພາຍໃຕ້ການນຳພາຂອງພັກ, ພ້ອມທັງສະແດງຄວາມຕັດສິນໃຈທີ່ຈົດຈຳຄຳສາບານຢ່າງໜັກແໜ້ນທີ່ເດີນຕາມພັກ, ປະກອບສ່ວນເຂົ້າໃນພາລະກິດຄວາມສາມັກຄີລະຫວ່າງຊົນເຜົ່າກໍຄື ການພັດທະນາ ແລະ ຄວາມຈະເລີນຮຸ່ງເຮືອງຂອງເຂດຊາຍແດນ.

ທ່ານສີຈິ້ນຜິງໄດ້ຕອບຄືນຈົດໝາຍລູກຫຼານຂອງຜູ້ດື່ມນ້ຳສາບານຕໍ່ໜ້າສີລາຈາກລຶກຄວາມສາມັກຄີລະຫວ່າງຊົນເຜົ່າຜູເອີ ໂດຍໄດ້ໃຫ້ກຳລັງໃຈຢ່າງສະໜິດສະໜົມ ແລະ ຝາກຄວາມຫວັງເປັນຢ່າງຍິ່ງໄວ້ນຳເຂົາເຈົ້າ. ທ່ານສີຈິ້ນຜິງເນັ້ນໜັກວ່າ: ຊົນຊາດຈີນເປັນມະຫາຄອບຄົວ, 56 ຊົນເຜົ່າເປັນຄົນໃນຄອບຄົວດຽວກັນທີ່ສາມັກຄີຮັກແພງກັນ. ຫວັງວ່າພວກສະຫາຍຈະເຊີດຊູມູນເຊື້ອອັນມີກຽດສະຫງ່າຂອງຄົນຮຸ່ນກ່ອນ ເພື່ອຂຽນປະຫວັດສາດໜ້າໃໝ່ກ່ຽວກັບສີລາຈາລຶກຄຳສາບານໃຫ້ດີ, ເຮັດໃຫ້ມູນເຊື້ອອັນດີງາມແຫ່ງຄວາມສາມັກຄີລະຫວ່າງຊົນເຜົ່າສືບທອດກັນຕໍ່ໆໄປຈາກຮຸ່ນສູ່ຮຸ່ນ.