ວັນທີ 26 ກັນຍານີ້ຢູ່ນະຄອນຫຼວງປັກກິ່ງ, ກົມການເມືອງສູນກາງພັກຄອມມູນິດຈີນໄດ້ຈັດກອງປະຊຸມ, ເພື່ອວິເຄາະ ແລະ ຄົ້ນຄວ້າສະພາບການເສດຖະກິດໃນປັດຈຸບັນ, ຈັດວາງວຽກງານເສດຖະກິດໃນບາດກ້າວຕໍ່ໄປ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນເປັນປະທານກອງປະຊຸມ.

ກອງປະຊຸມເນັ້ນໜັກວ່າ, ຈະເພີ່ມທະວີການປັບປຸງນະໂຍບາຍການເງິນ ແລະ ເງິນຕາ, ປັບປຸງນະໂຍບາຍຈຳກັດການຊື້ເຮືອນຢູ່; ຫຼຸດຜ່ອນອັດຕາກູ້ຢືມເງິນຊື້ເຮືອນ, ພະຍາຍາມພັດທະນາຕະຫຼາດທຶນ, ຊຸກຍູ້ການປະຕິຮູບກອງທຶນສາທາລະນະຢ່າງໝັ້ນທ່ຽງ, ຄົ້ນຄວ້າ ແລະ ວາງມາດຕະການ ແລະ ນະໂຍບາຍທີ່ປົກປ້ອງນັກລົງທຶນຂະໜາດກາງ ແລະ ນ້ອຍ. ສ້າງກົດໝາຍວ່າດ້ວຍການສົ່ງເສີມເສດຖະກິດເອກະຊົນ, ຖືເອົາການຊຸກຍູ້ການບໍລິໂພກປະສານສົມທົບກັບການສ້າງຜົນປະໂຫຍດໃຫ້ແກ່ຊີວິດການເປັນຢູ່ຂອງປະຊາຊົນ, ເຮັດໃຫ້ກຸ່ມຄົນທີ່ມີລາຍຮັບປານກາງ ແລະ ຕ່ຳມີລາຍຮັບເພີ່ມຂຶ້ນ, ເຮັດວຽກການຜະລິດສະບຽງອາຫານ ແລະ ກະສິກຳໃຫ້ດີຢ່າງແທ້ຈິງ, ຮັບປະກັນຄວາມໝັ້ນຄົງດ້ານສະບຽງອາຫານຂອງປະເທດ.