ໃນເວລາ 8 ໂມງ 44 ນາທີຂອງວັນທີ 25 ກັນຍານີ້, ກອງກໍາລັງລູກສອນໄຟແຫ່ງກອງທັບປົດປ່ອຍປະຊາຊົນຈີນໄດ້ຍິງທົດສອບລູກສອນໄຟນຳວິຖີຂ້າມທະວີບທີ່ຕິດຫົວລະເບີດຈໍາລອງລູກໜຶ່ງໃສ່ເຂດນ່ານນໍ້າສາທາລະນະໃນມະຫາສະໜຸດປາຊິຟິກຢ່າງສໍາເລັດຜົນ, ລູກສອນໄຟນຳວິຖີດັ່ງກ່າວໄດ້ຍິງລົງສູ່ເຂດນ່ານນໍ້າທີ່ກໍານົດໄວ້ຢ່າງຖືກເປົ້າໝາຍ.

   ການຍິງລູກສອນໄຟນຳວິຖີເທື່ອນີ້, ເປັນການທົດລອງຕາມປົກກະຕິໂດຍອີງຕາມແຜນການຝຶກຊ້ອມດ້ານການທະຫານປະຈຳປີຂອງກອງກໍາລັງລູກສອນໄຟແຫ່ງກອງທັບປົດປ່ອຍປະຊາຊົນຈີນ ເພື່ອປະເມີນສະມັດຖະນະຂອງອາວຸດຍຸດໂທປະກອນກໍຄືລະດັບການຝຶກຊ້ອນຂອງກອງທັບຢ່າງມີປະສິດທິຜົນ ເຊິ່ງເທື່ອນີ້ໄດ້ບັນລຸຕາມຄາດໝາຍທີ່ວາງໄວ້. ກ່ອນຍິງລູກສອນໄຟນຳວິຖີເທື່ອນີ້, ຈີນໄດ້ແຈ້ງໃຫ້ປະເທດກ່ຽວຂ້ອງຮັບຊາບລ່ວງໜ້າ.

   ການຍິງລູກສອນໄຟນຳວິຖີເທື່ອນີ້ແມ່ນສອດຄ່ອງກັບກົດໝາຍ ແລະ ທໍານຽມສາກົນ, ຫາກບໍ່ແມ່ນແນໃສ່ປະເທດ ຫຼື ເປົ້າໝາຍໃດໜຶ່ງ.