ຍ້ອນໄດ້ຮັບຜົນກະທົບຈາກລົມພາຍຸ ແລະ ຝົນຕົກໜັກຢ່າງຕໍ່ເນື່ອງ, ນັບແຕ່ຕົ້ນເດືອນກັນຍານີ້ມາ, ຫຼາຍແຫ່ງຂອງກຳປູເຈຍໄດ້ເກີດໄພນ້ຳຖ້ວມ, ເຮືອນ ແລະ ເນື່ອທີ່ນາຈຳນວນຫຼວງຫຼາຍຖືກນ້ຳຖ້ວມເສຍຫາຍ, ສ້າງຜົນກະທົບຢ່າງໜັກໜ່ວງຕໍ່ການຜະລິດ ແລະ ຊີວິດການເປັນຢູ່ຂອງປະຊາຊົນທ້ອງຖິ່ນ.

ເຈົ້າໜ້າທີ່ຄະນະກຳມະການຄຸ້ມຄອງໄພພິບັດແຫ່ງຊາດກຳປູເຈຍແຈ້ງໃຫ້ຮູ້ວ່າ: ຫວ່າງມໍ່ໆມານີ້, ຢູ່ກຳປູເຈຍມີ 9 ແຂວງຖືກນ້ຳຖ້ວມ, ມີປະຊາຊົນຫຼາຍກວ່າ 13.000 ຄອບຄົວ ແລະ ເນື້ອທີ່ນາປະມານ 10.000 ເຮັກຕາຖືກນ້ຳຖ້ວມເສຍຫາຍໃນລະດັບຕ່າງກັນ. ຄະນະກຳມະການດັ່ງກ່າວຮຽກຮ້ອງໃຫ້ປະຊາຊົນມີສະຕິລະວັງຕົວໃນລະດັບສູງຕໍ່ຄວາມສ່ຽງເກີດໄພນ້ຳຖ້ວມ, ແລະປະຕິບັດມາດຕະການທີ່ຈຳເປັນເພື່ອຫຼຸດຜ່ອນຄວາມເສຍຫາຍ.

ໃນກອງປະຊຸມທີ່ຈັດຂຶ້ນເມື່ອວັນທີ 25 ກັນຍານີ້, ກະຊວງພັດທະນາຊົນນະບົດກຳປູເຈຍຮຽກຮ້ອງໃຫ້ພາກສ່ວນທີ່ກ່ຽວຂ້ອງປະຕິບັດມາດຕະການ, ສະໜອງການຊ່ວຍເຫຼືອທີ່ຈຳເປັນໃຫ້ແກ່ປະຊາຊົນ ແລະ ຄອບຄົວທີ່ປະສົບໄພ.