ອີງຕາມແຫຼ່ງຂ່າວຈາກກະຊວງການຄ້າຈີນແຈ້ງໃຫ້ຮູ້ວ່າ: ໃນ 7 ເດືອນປີນີ້, ຍອດມູນຄ່າການຄ້າດ້ານການບໍລິການຂອງຈີນໄດ້ຮັກສາຈັງຫວະເຕີບໂຕໃນລະດັບຫຼາຍກວ່າ 10%, ໃນນັ້ນ, ການນຳເຂົ້າແລະສົ່ງອອກດ້ານການບໍລິການທີ່ໃຊ້ສະຕິປັນຍາຫຼາຍໄດ້ກວມເອົາເກືອບ 40%.

ນັບແຕ່ເດືອນມັງກອນຫາເດືອນກໍລະກົດປີນີ້, ຍອດມູນຄ່າການຄ້າດ້ານການບໍລິການຂອງຈີນບັນລຸເຖິງ 4,230.18 ຕື້ຢວນ, ເພີ່ມຂຶ້ນ 14,7% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ, ການນຳເຂົ້າແລະສົ່ງອອກດ້ານການບໍລິການທີ່ໃຊ້ສະຕິປັນຍາຫຼາຍບັນລຸເຖິງ 1,661.79 ຕື້ຢວນ ກວມເອົາເກືອບ 40%, ການບໍລິການດ້ານວັດທະນະທຳສ່ວນບຸກຄົນແລະຄວາມບັນເທິງ ແລະ ການສົ່ງອອກສິດນຳໃຊ້ຊັບສິນທາງປັນຍາລ້ວນແຕ່ໄດ້ຮັກສາຈັງຫວະເຕີບໂຕຫຼາຍກວ່າ 10%.

ໃນ 6 ເດືອນຕົ້ນປີນີ້, ມູນຄ່າການນຳເຂົ້າແລະສົ່ງອອກດ້ານການບໍລິການທີ່ມອບຜ່ານລະບົບດີຈີຕອນຂອງຈີນບັນລຸເຖິງ 1,420 ຕື້ຢວນ, ການນຳເຂົ້າແລະສົ່ງອອກດ້ານການຄ້າເອເລັກໂຕຣນິກຂ້າມຊາດໄດ້ເພີ່ມຂຶ້ນ 10,5%, ເປັນສະຖິຕິສູງສຸດໃນປະຫວັດສາດ.