ວັນທີ 25 ກັນຍານີ້, ທ່ານ ວະລາດີເມຍ ປູຕິນ ປະທານາທິບໍດີຣັດເຊຍຢືນຢັນວ່າ: ປັດຈຸບັນ, ການປະກອບສ່ວນຕໍ່ເສດຖະກິດໂລກຂອງປະເທດບຣິກສແມ່ນໄດ້ລື່ນກາຍກຸ່ມ 7 ປະເທດ ຫຼື G7 ແລ້ວ. ປັດຈຸບັນໃນຂອບເຂດທົ່ວໂລກພວມສ້າງໃຫ້ມີຕະຫຼາດໃນອະນາຄົດ ເຊິ່ງພື້ນຖານຂອງຕະຫຼາດດັ່ງກ່າວແມ່ນສາຍພົວພັນຄູ່ຮ່ວມຍຸດທະສາດທີ່ໝັ້ນຄົງ.

   ນອກນີ້, ທ່ານ ປູຕິນ ກ່າວຕື່ມວ່າ: ປັດຈຸບັນ, ອັດຕາການຊໍາລະສະສາງສາກົນດ້ວຍເງິນຣຸບຂອງຣັດເຊຍໄດ້ບັນລຸເຖິງລະດັບ 40%. ໃນ 7 ເດືອນປີນີ້, ຍອດມູນຄ່າສິນຄ້າສົ່ງອອກທີ່ບໍ່ແມ່ນສິນຄ້າປະເພດຊັບພະຍາກອນຂອງຣັດເຊຍໄດ້ບັນລຸເຖິງ 89 ຕື້ 800 ລ້ານໂດລາ, ເພີ່ມຂຶ້ນ 5% ເມື່ອທຽວໃສ່ໄລຍະດຽວກັນຂອງປີ 2023.