ວັນທີ 25 ກັນຍານີ້ໃນໂອກາດເຂົ້າຮ່ວມສະມັດຊາໃຫຍ່ອົງການສະຫະປະຊາຊາດສະໄໝທີ 79 ທີ່ຈັດຂຶ້ນຢູ່ນະຄອນນິວຢອກອາເມຣິກາ, ທ່ານຫວາງຢີ້ ກຳມະການກົມການເມືອງສູນກາງພັກຄອມມູນິດຈີນ ລັດຖະມົນຕີກະຊວງການຕ່າງປະເທດຈີນໄດ້ພົບປະກັບທ່ານເຊີເກ ລາຟລົຟ ລັດຖະມົນຕີກະຊວງການຕ່າງປະເທດຣັດເຊຍ.

ທ່ານຫວາງຢີ້ ກ່າວວ່າ: ນັບແຕ່ຕົ້ນປີນີ້ມາ, ທ່ານສີຈິ້ນຜິງ ປະທານປະເທດຈີນໄດ້ພົບປະ ກັບທ່ານປູຕິນ ວະລາດີເມຍ ປະທານາທິບໍດີຣັດເຊຍສອງເທື່ອ, ໄດ້ໃຫ້ການຊີ້ນຳຍຸດທະສາດສຳຄັນແກ່ສາຍພົວພັນລະຫວ່າງສອງປະເທດ. ຈີນຈະສຸມຄວາມພະຍາຍາມຮ່ວມກັບຣັດເຊຍ, ເຮັດໃຫ້ເນື້ອໃນການປະສານງານຍຸດທະສາດຮອບດ້ານລະຫວ່າງຈີນກັບຣັດເຊຍໃຫ້ສົມບູນຂຶ້ນຢ່າງບໍ່ຢຸດຢັ້ງ, ສ້າງຄວາມຜາສຸກຫຼາຍກວ່າເກົ່າໃຫ້ແກ່ປະຊາຊົນສອງປະເທດ. ຈີນຈະອອກແຮງຢ່າງສຸດຂີດເພື່ອສະໜັບສະໜູນຣັດເຊຍເສີມຂະຫຍາຍບົດບາດເປັນປະເທດປະທານໝູນວຽນຂອງອົງການເບຣັກສ໌, ເພື່ອຮັບປະກັນໃຫ້ແກ່ການຈັດກອງປະຊຸມສຸດຍອດປະເທດບຣິກສທີ່ຈະຈັດຂຶ້ນຢູ່ກາຊັນປະເທດຣັດເຊຍໄດ້ຮັບຜົນສຳເລັດຢ່າງຈົບງາມ.

ທ່ານລາຟລົຟ ກ່າວວ່າ: ຣັດເຊຍຍິນດີຮ່ວມກັບຈີນສະເຫຼີມສະຫຼອງສອງປະເທດສ້າງຕັ້ງສາຍພົວພັນທາງການທູດຄົບຮອບ 75 ປີ, ວາງແຜນການໄປມາຫາສູ່ກັນໃນລະດັບສູງໃຫ້ດີ, ຊຸກຍູ້ສາຍພົວພັນລະຫວ່າງສອງປະເທດຫ້ໄດ້ຮັບການຂະຫຍາຍຕົວຫຼາຍກວ່າເກົ່າ. ຣັດເຊຍຍິນດີປະສານສົມທົບກັບຈີນ ແລະ ຄູ່ຮ່ວມມືປະເທດເບຣັກສ໌ອື່ນໆຢ່າງສະໜິດແໜ້ນ, ເພື່ອຊຸກຍູ້ໃຫ້ກອງປະຊຸມສຸດຍອດກາຊັນໄດ້ຮັບຜົນສຳເລັດຢ່າງຈົບງາມ.