ງານວາງສະແດງສິນຄ້າຈີນ-ອາຊຽນຄັ້ງທີ 21 ໄດ້ຈັດຂຶ້ນລະຫວ່າງວັນທີ 24-28 ກັນຍານີ້ຢູ່ນະຄອນນານນິງເຂດປົກຄອງຕົນເອງເຜົ່າຈ້ວງກວາງຊີຈີນ. ໃນຖານະເປັນເວທີວາງສະແດງຂອງຜົນງານຮ່ວມມືທີ່ເປີດກວ້າງລະຫວ່າງຈີນ-ອາຊຽນ, ແຕ່ລະປີ, ງານວາງສະແດງສິນຄ້າດັ່ງກ່າວໄດ້ກຳນົດວັນເວລາເປີດກວ້າງສຳລັບປະຊາຊົນ ເພື່ອໃຫ້ປະຊາຊົນຈີນແລະຕ່າງປະເທດໄດ້ເຂົ້າໄປຊື້ສິນຄ້າອາຊຽນ, ຮ່ວມກັນຊົມໃຊ້ຄວາມມ່ວນຊື່ນຈາກການບໍລິໂພກ.

ຢູ່ສະຖານທີ່ຈັດງານວາງສະແດງ, ທະນາຄານຈີນໄດ້ຕັ້ງຈຸດບໍລິການຊົ່ວຄາວ ພ້ອມທັງຕັ້ງຕູ້ ATM ທີ່ສາມາດຖືບັດທະນາຄານຕ່າງປະເທດມາຖອນເອົາເງິນສົດ ເພື່ອໃຫ້ບໍລິການຕ່າງໆດ້ານການເງິນແກ່ນັກທຸລະກິດທີ່ເຂົ້າຮ່ວມງານວາງສະແດງ  ເປັນຕົ້ນ: ການຝາກເງິນແລະຖອນເງິນ, ການເປີດບັນຊີ ແລະ ການແລກປ່ຽນເງິນ. ຈາກນັ້ນ, ນັກທຸລະກິດຕ່າງປະເທດທີ່ມາຈີນເຂົ້າຮ່ວມງານວາງສະແດງຄັ້ງນີ້ ຈະບໍ່ມີຄວາມກັງວົນໃນການຄ້າຂາຍສິນຄ້າຍ້ອນການຈ່າຍເງິນຢູ່ຈີນມີຄວາມສະດວກ.

ເຈົ້າໜ້າທີ່ກະຊວງການລົງທຶນອິນໂດເນເຊຍກ່າວວ່າ: ໃນງານວາງສະແດງສິນຄ້າຈີນ-ອາຊຽນ, ການບໍລິໂພກທີ່ໃຊ້ເງິນກ້ອນໃຫຍ່ສາມາດໃຊ້ບັດທະນາຄານ, ສ່ວນສິ່ງທີ່ໃຊ້ເງິນນ້ອຍແມ່ນສາມາດສະແກນຄິວອາໂຄດຫຼືຈ່າຍເປັນເງິນສົດໄດ້, ວິທີການຈ່າຍເງິນທີ່ມີຫຼາຍຮູບແບບຂອງຈີນພວມຊ່ວຍໃຫ້ນັກທຸລະກິດທີ່ເຂົ້າຮ່ວມງານວາງສະແດງມີຄວາມສະດວກໃນການຄ້າຂາຍແລະການບໍລິໂພກ.