ເມື່ອມໍ່ໆມານີ້, ອາຈານແລະນັກສຶກສາທັງໝົດຂອງມະຫາວິທະຍາໄລສື່ມວນຊົນຈີນໄດ້ຂຽນຈົດໝາຍໄປຍັງທ່ານສີຈິ້ນຜິງ ເລຂາ ທິການໃຫຍ່ຄະນະກຳມະການສູນກາງພັກຄອມມູນິດຈີນ ປະທານປະເທດຈີນ ປະທານຄະນະກຳມະການການທະຫານສູນກາງຈີນ ເພື່ອລາຍງານສະພາບກ່ຽວກັບຜົນງານດ້ານການຮຽນ-ການສອນນັບຕັ້ງແຕ່ສ້າງຕັ້ງມະຫາວິທະຍາໄລມາເປັນເວລາ70ປີ ໂດຍສະເພາະນັບແຕ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ18ຂອງພັກຄອມມູນິດຈີນເປັນຕົ້ນມາ.

ທ່ານສີຈິ້ນຜິງໄດ້ຕອບຄືນຈົດໝາຍອາຈານ ແລະ ນັກສຶກສາທັງໝົດຂອງມະຫາວິທະຍາໄລສື່ມວນຊົນຈີນເພື່ອຝາກຄວາມຊົມເຊີຍແລະຄວາມຢື້ຢາມຖາມຂ່າວ ເຖິງພະນັກງານ-ອາຈານແລະນັກສຶກສາທັງໝົດ ກໍຄື ອະດີດນັກສຶກສາທັງຫຼາຍເນື່ອງໃນໂອກາດມະຫາວິທະຍາໄລສື່ມວນຊົນຈີນສ້າງຕັ້ງຂຶ້ນຄົບຮອບ70ປີ.

ເນື້ອໃນຈົດໝາຍຕອບຂອງທ່ານສີຈິ້ນຜິງໄດ້ລະບຸໂດຍເນັ້ນໜັກວ່າ: ຢູ່ບົນຂະບວນການໃໝ່ໃນຍຸກໃໝ່ ຫວັງວ່າພວກສະຫາຍຈະຈັດຕັ້ງປະຕິບັດໜ້າທີ່ພື້ນຖານແຫ່ງການອົບຮົມບົ່ມສອນ ແລະ ບຳລຸງສ້າງນັກສຶກສາໃຫ້ມີຄຸນສົມບັດ, ສຸມໃສ່ຄວາມຮຽກຮ້ອງຕ້ອງການດ້ານວຽກງານສື່ມວນຊົນ, ເນັ້ນໃສ່ເອກະລັກພິເສດດ້ານການຮຽນ-ການສອນ, ລົງເລິກການປະຕິຮູບແລະປະດິດສ້າງຢ່າງບໍ່ຢຸດຢັ້ງ, ຍົກສູງລະດັບການຄົ້ນຄວ້າວິທະຍາສາດດ້ານການສອນຢ່າງບໍ່ຢຸດຢັ້ງ, ພະຍາຍາມສູ້ຊົນບຳລຸງສ້າງຜູ້ມີຄວາມຮູ້ຄວາມສາມາດດ້ານສື່ມວນຊົນທີ່ມີຄຸນນະພາບສູງໃຫ້ຫຼາຍກວ່າເກົ່າ, ປະກອບສ່ວນອັນໃໝ່ເຂົ້າໃນການພັດທະນາພາລະກິດໂຄສະນາ, ແນວຄິດແລະວັດທະນະທຳຂອງພັກ.