ວັນທີ 26 ກັນຍານີ້, ບົດລາຍງານກ່ຽວກັບການພັດທະນາການຄ້າດີຈີຕອນທົ່ວໂລກ 2024 ເຊິ່ງເປັນບົດລາຍງານຕົ້ນຕໍຂອງງານວາງສະແດງການຄ້າດີຈີຕອນທົ່ວໂລກຄັ້ງທີ 3 ທີ່ຮຽບຮຽງໂດຍຄະນະກຳມະການຈັດງານວາງສະແດງການຄ້າດີຈີຕອນທົ່ວໂລກກັບສູນການຄ້າສາກົນ ຫຼື ITC ໄດ້ເຜີຍແຜ່ຢ່າງເປັນທາງການ.

ບົດລາຍງານສະບັບດັ່ງກ່າວໄດ້ເຜີຍແຜ່ຍອດມູນຄ່າຄິດໄລ່ການຄ້າດີຈີຕອນໃນທົ່ວໂລກທີ່ມີອົງການຈັດຕັ້ງສາກົນເຂົ້າຮ່ວມເປັນຄັ້ງທຳອິດ ເຊິ່ງໄດ້ອັດຊ່ອງຫວ່າງຂອງຂົງເຂດຄິດໄລ່ການຄ້າດີຈີຕອນ. ອີງຕາມຂໍ້ມູນຄິດໄລ່ແຈ້ງໃຫ້ຮູ້ວ່າ: ລະຫວ່າງປີ 2021-2023, ມູນຄ່າການຄ້າດີຈີຕອນໃນທົ່ວໂລກໄດ້ເພີ່ມຈາກ 6,020 ຕື້ໂດລາຂຶ້ນເປັນ 7,130 ຕື້ໂດລາ, ຈັງຫວະເຕີບໂຕບັນລຸເຖິງ 8,8% ຕໍ່ປີ. ເມື່ອເບິ່ງຈາກ 10 ກຸ່ມເສດຖະກິດໃຫຍ່ຢູ່ໃນໂລກແລ້ວເຫັນວ່າ: ມູນຄ່າການຄ້າດີຈີຕອນຂອງສະຫະພາບເອີຣົບ, ອາເມຣິກາ ແລະ ຈີນໄດ້ຈັດຢູ່ໃນອັນດັບໜຶ່ງຫາສາມ ແລະໄດ້ຮັກສາທ່ວງທ່າການເຕີບໂຕທີ່ໝັ້ນທ່ຽງ. ສ່ວນມູນຄ່າການຄ້າດີຈີຕອນຂອງເບຣຊິນ, ອິນເດຍແລະເມັກຊິກເຕີບໂຕໄວທີ່ສຸດໃນກຸ່ມເສດຖະກິດຕົ້ນຕໍ.