ພິທີຍ້ອງຍໍບຸກຄົນ ແລະ ຄະນະຕົວແບບດ້ານຄວາມສາມັກຄີກ້າວໜ້າຂອງຊົນເຜົ່າທົ່ວປະເທດຈີນໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 27 ກັນຍານີ້.

   ໃນໂອກາດນີ້, ທ່ານ ສີຈິ້ນຜິງ ເລຂາທິການໃຫຍ່ຄະນະກໍາມະການສູນກາງພັກຄອມມູນິດຈີນ, ປະທານປະເທດຈີນ, ປະທານຄະນະກໍາມະການການທະຫານສູນກາງຈີນໄດ້ເຂົ້າຮ່ວມພິທີ ແລະ ກ່າວຄໍາປາໄສອັນສໍາຄັນໂດຍເນັ້ນໜັກວ່າ: ຕ້ອງຈັດຕັ້ງຜັນຂະຫຍາຍແນວຄິດສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ພິເສດແມ່ນແນວຄິດສໍາຄັນຂອງພັກກ່ຽວກັບການເພີ່ມທະວີ ແລະ ປັບປຸງວຽກງານຊົນເຜົ່າໃຫ້ດີຂຶ້ນຢ່າງຮອບດ້ານ, ຍຶດໝັ້ນການຮັດແໜ້ນທິດທາງຫຼັກແຫ່ງສະຕິປະຊາຄົມຮ່ວມຊາຕາກໍາຊົນຊາດຈີນ, ສົ່ງເສີມພາລະກິດຄວາມສາມັກຄີກ້າວໜ້າຂອງຊົນເຜົ່າຢ່າງບໍ່ຢຸດຢັ້ງ, ຊຸກຍູ້ວຽກງານຊົນເຜົ່າຂອງພັກໃນຍຸກໃໝ່ໃຫ້ໄດ້ຮັບການພັດທະນາດ້ວຍຄຸນນະພາບສູງ, ຊຸກຍູ້ການສ້າງປະຊາຄົມຮ່ວມຊາຕາກໍາຊົນຊາດຈີນ, ສຸມຄວາມພະຍາຍາມຢ່າງບໍ່ລົດລະເພື່ອຊຸກຍູ້ການສ້າງສາປະເທດທີ່ເຂັ້ມແຂງ ກໍຄື ພາລະກິດຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນຢ່າງຮອບດ້ານດ້ວຍຄວາມທັນສະໄໝແບບຈີນ.