ວັນທີ 27 ກັນຍານີ້, ອາເມຣິກາໄດ້ບັນລຸສັນຍາກັບອີຣັກ ໂດຍຈະສິ້ນສຸດພາລະກິດທາງທະຫານໃນການໂຈມຕີ “ລັດອິດສະລາມອີຣັກ” ຫຼື ISIS ກຸ່ມຫົວຮຸນແຮງຢູ່ອີຣັກຂອງກອງທັບພັນທະມິດທີ່ນຳພາໂດຍອາເມຣິກາ ພາຍໃນເວລາ 12 ເດືອນຂ້າງໜ້າ ແລະ ຊ້າສຸດບໍ່ໃຫ້ກາຍເດືອນກັນຍາປີ 2025. ກອງທັບອາເມຣິກາຈະອອກຈາກຖານທັບບາງແຫ່ງຢູ່ອີຣັກທີ່ຍຶດຄອງມາເປັນເວລາຍາວນານ ພາຍຫຼັງດຳເນີນການສຳເລັດແລ້ວ.

ອີງຕາມຖະແຫຼງການຮ່ວມລະຫວ່າງອາເມຣິກາແລະອີຣັກ, ສອງຝ່າຍຈະຂ້າມຜ່ານໄປສູ່ການພົວພັນຄູ່ຮ່ວມຄວາມໝັ້ນຄົງສອງຝ່າຍ ເພື່ອສະໜັບສະໜູນກອງທັບອີຣັກສືບຕໍ່ໂຈມຕີກຸ່ມຫົວຮຸນແຮງ. ຖະແຫຼງການຍັງລະບຸວ່າ: ພາລະກິດທາງທະຫານຢູ່ໃນປະເທດຊີຣີຂອງກອງທັບພັນທະມິດຈະແກ່ຍາວໄປເຖິງເດືອນກັນຍາປີ 2026.