ນັກຂ່າວໄດ້ຮັບຂໍ້ມູນຈາກກອງປະຊຸມຖະແຫຼງຂ່າວໃນພິທີອັດຂອງງານວາງສະແດງສິນຄ້າຈີນ-ອາຊຽນແລະກອງປະຊຸມສຸດຍອດການຄ້າແລະການລົງທຶນຈີນ-ອາຊຽນຄັ້ງທີ 21 ທີ່ໄດ້ຈັດຂຶ້ນໃນຕອນບ່າຍຂອງວັນທີ 28 ກັນຍານີ້ວ່າ: ງານວາງສະແດງສິນຄ້າຈີນ-ອາຊຽງ ຫຼື ງານເອັສໂປຄັ້ງນີ້ໄດ້ຊຸກຍູ້ໃຫ້ 109 ໂຄງການເຊັນສັນຍາຢ່າງສຳເລັດຜົົນ, ໃນນັ້ນ, ໂຄງການທີ່ມີມູນຄ່າ ການລົງທຶນຫຼາຍກວ່າ 500 ລ້ານຢວນກໍມີ 93 ໂຄງການ, ໂຄງການຂະແໜງການຜະລິດກວມ 69%, ແຕ່ລະຝ່າຍທີ່ໄດ້ເຂົ້າຮ່ວມງານວາງສະແດງແລະກອງປະຊຸມມີຄວາມກະຕືລືລົ້ນຫຼາຍ.

ຂ່າວແຈ້ງວ່າ: ໂຄງການທີ່ໄດ້ຮັບການເຊັນສັນຍາໃນງານເອັສໂປຄັ້ງນີ້ສ່ວນຫຼາຍກ່ຽວພັນເຖິງວັດຖຸໃໝ່ດ້ານອຸດສາຫະກຳເຄມີ, ພະລັງງານໃໝ່, ການສະສົມພະລັງງານແລະຂະແໜງການພັດທະນາໃໝ່ອື່ນໆ, “ການຜະລິດແບບອັດສະລິຍະຈີນ” ໄດ້ເຂົ້າສູ່ລາວ, ຫວຽດນາມ, ມາເລເຊຍແລະປະເທດສະມາຊິກອາຊຽນອື່ນໆຢ່າງວ່ອງໄວກວ່າເກົ່າ, ເຊິ່ງໄດ້ສ້າງຜົນປະໂຫຍດແກ່ປະຊາຊົນອາຊຽນ.

ຂ່າວຍັງແຈ້ງໃຫ້ຮູ້ອີກວ່າ: ງານເອັສໂປແລະກອງປະຊຸມສຸດຍອດການຄ້າແລະການລົງທຶນຈີນ-ອາຊຽນຄັ້ງທີ 22 ຈະຈັດຂຶ້ນແຕ່ວັນທີ 17 ຫາວັນທີ 21 ກັນຍາປີ 2025 ຕາມແຜນການ, ຈະຖືມຽນມາເປັນປະເທດຫົວຂໍ້ຫຼັກ.