ວັນທີ 28 ກັນຍານີ້ຕາມເວລາທ້ອງຖິ່ນ, ກິດຈະກຳ “ຈົດໝາຍ ທາງອອນລາຍ:ເລື່ອງລາວຂອງຂ້ອຍກັບຈີນ” ເພື່ອສະເຫຼີມສະຫຼອງສາທາລະນະລັດປະຊາຊົນຈີນສະຖາປະນາຂຶ້ນຄົບຮອບ 75 ປີທີ່ວິທະຍຸໂທລະພາບສູນກາງຈີນຫຼື CMG ເປັນເຈົ້າພາບໄດ້ຈັດຂຶ້ນຢູ່ນະຄອນນິວຢອກຂອງອາເມຣິກາຢ່າງສຳເລັດຜົນ. ທ່ານ ເສິ້ນໄຫຊົງ ຮອງຫົວໜ້າຄະນະໂຄສະນາອົບຮົມສູນກາງພັກຄອມມູນິດຈີນ,ຜູ້ອຳນວຍການໃຫຍ່ CMG ໄດ້ກ່າວຄຳປາໄສຜ່ານທາງວິດີໂອ. ມີບຸກຄົນສັນຖະວະໄມຕີຈາກວົງການຕ່າງໆ,ຄູອາຈານແລະນັກສຶກສາຈາກໂຮງຮຽນຫຼາຍແຫ່ງຂອງອາເມຣິກາແລະແຂກຜູ້ມີກຽດ ເກືອບ 100 ຄົນເຂົ້າຮ່ວມ.

      ທ່ານ ເສິ້ນໄຫຊົງ ກ່າວວ່າ: ເນື່ອງໃນໂອກາດສາທາລະນະລັດປະຊາຊົນຈີນສະຖາປະນາຂຶ້ນຄົບຮອບ 75 ປີ, ເພື່ອນມິດຈາກ 60 ກວ່າປະເທດໄດ້ເລົ່າເລື່ອງລາວສາຍໃຍຜູກພັນລະຫວ່າງຈີນກັບຕ່າງປະເທດເຖິງ 1.600 ກວ່າເລື່ອງຜ່ານກິດຈະກຳຄັ້ງນີ້. ຕົວໜັງສືທີ່ແຕກຕ່າງກັນໄດ້ສົ່ງຄວາມຮັກແພງເຊິ່ງກັນແລະກັນ,ໄດ້ເຕັມໄປດ້ວຍຄວາມມຸ່ງມາດປາດຖະໜາທີ່ແທ້ຈິງຂອງປະຊາຊົນຈາກບັນດາປະເທດຢູ່ໃນໂລກທີ່ມີຕໍ່ສັນຕິພາບແລະຄວາມດີງາມ.