ວັນທີ 29 ກັນຍານີ້, ທ່ານຫຼີສຽງ ນາຍົກລັດຖະມົນຕີຈີນໄດ້ເປັນປະທານກອງປະຊຸມວຽກງານປະຈຳຂອງລັດຖະບານຈີນ, ເຊື່ອມຊຶມ ແລະຈັດຕັ້ງປະຕິບັດຈິດໃຈຄຳປາໄສທີ່ສຳຄັນຂອງທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ ກ່ຽວກັບສະພາບການເສດຖະກິດ ແລະວຽກງານເສດຖະກິດໃນປັດຈຸບັນຢູ່ກອງປະຊຸມກົມການເມືອງສູນກາງພັກ, ຄົ້ນຄວ້າ ແລະຈັດວາງວຽກງານປະຕິບັດນະໂຍບາຍໃໝ່ເພື່ອກະຕຸ້ນເສດຖະກິດ.

ກອງປະຊຸມຄັ້ງນີ້ໄດ້ຈັດວາງມາດຕະການທີ່ກ່ຽວຂ້ອງເພື່ອເລັ່ງລັດການປະຕິບັດ 102 ໂຄງການສຳຄັນທີ່ນອນຢູ່ໃນ “ແຜນການ 5 ປີຄັ້ງທີ 14”, ໄດ້ຄົ້ນຄ້ວາກ່ຽວກັບການສົ່ງເສີມວຽກງານກໍ່ສ້າງລະບົບການບໍລິການເບິ່ງແຍງລ້ຽງດູເດັກທົ່ວໄປ, ໄດ້ຮັບຟັງບົດລາຍງານຄວາມຄືບໜ້າການຊຸກຍູ້ການສ້າງສາປະເທດທີ່ເຂັ້ມແຂງດ້ານຊັບສິນທາງປັນຍາ ແລະໄດ້ເປິກສາຫາລື “ກົດໝາຍວ່າດ້ວຍການເຜີຍແຜ່ວິທະຍາສາດເຕັກໂນໂລຊີຂອງສປ ຈີນ (ສະບັບປັບປຸງ)” ແລະ “ກົດໝາຍວ່າດ້ວຍການຕ້ານການແຂ່ງຂັນທີ່ບໍ່ຍຸຕິທຳຂອງສປ ຈີນ (ສະບັບປັບປຸງ)”.