ວັນທີ 28 ກັນຍານີ້, ທ່ານຫວາງຢີ້, ກຳມະການກົມການເມືອງສູນກາງພັກກອມມູນິດຈີນ, ລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມການອະພິປາຍທົ່ວໄປຂອງກອງປະຊຸມສະມັດຊາໃຫຍ່ອົງການສະຫະປະຊາຊາດຄັ້ງທີ 79 ທີ່ສຳນັກງານໃຫຍ່ອົງການສະຫະປະຊາຊາດຢູ່ນະຄອນນີວຢອກຂອງອາເມຣິກາແລະໄດ້ກ່າວຄຳປາໄສທີ່ມີຫົວຂໍ້ວ່າ “ສືບທອດອັນເກົ່າເສີມຂະຫຍາຍອັນໃໝ່ ພະຍາຍາມກ້າວເດີນໄປຂ້າງໜ້າ ຮ່ວມກັນສ້າງປະຊາຄົມຮ່ວມຊາຕາກຳຂອງມວນມະນຸດ”.

ທ່ານຫວາງຢີ້ໄດ້ບັນລະຍາຍຫຼັກໝັ້ນຂອງຈີນກ່ຽວກັບວິກິດການອູແກຣນ, ປາແລັດສະຕິນແລະບັນຫາຈຸດສຸມອື່ນໆ, ໄດ້ວາງຂໍ້ສະເໜີຂອງຈີນກ່ຽວກັບການປັບປຸງການບໍລິຫານໂລກໃຫ້ສົມບູນກວ່າເກົ່າ.

ທ່ານຫວາງຢີ້ໄດ້ກ່າວເນັ້ນວ່າ: ໄຕ້ຫວັນແມ່ນພາກສ່ວນໜຶ່ງທີ່ແບ່ງແຍກອອກຈາກຜືນແຜ່ນດິນຈີນບໍ່ໄດ້, ນີ້ແມ່ນປະຫວັດສາດແລະແມ່ນຄວາມເປັນຈິງ. ກ່ຽວກັບຫຼັກການນີ້ແມ່ນບໍ່ມີບ່ອນຂັ້ນກາງ, ບໍ່ມີຊ່ອງຫວ່າງໝົ່ມໝອງ.