ຕອນຄ່ຳວັນທີ 25 ກັນຍານີ້ຕາມເວລາທ້ອງຖິ່ນ, ກິດຈະກຳ “ຈົດໝາຍທາງອອນລາຍ: ເລື່ອງລາວຂອງຂ້ອຍກັບຈີນ” ເພື່ອສະເຫຼີມສະຫຼອງສາທາລະນະລັດປະຊາຊົນຈີນສະຖາປະນາຄົບຮອບ 75 ປີໄດ້ຈັດຂຶ້ນຢູ່ນະຄອນຫຼວງອອດຕາວາຂອງການາດາຢ່າງສຳເລັດຜົນ. ທ່ານ ເສິ້ນໄຫຊົງ ຮອງຫົວໜ້າຄະນະໂຄສະນາອົບຮົມສູນກາງພັກຄອມມູນິດຈີນ,ຜູ້ອຳນວຍການໃຫຍ່ວິທະຍຸໂທລະພາບສູນກາງຈີນຫຼື CMG ໄດ້ກ່າວຄຳປາໄສຜ່ານທາງວິດີໂອ ໂດຍມີຜູ້ຕາງໜ້າແລະແຂກຜູ້ມີກຽດຈາກວົງການການເມືອງ,ການຄ້າ,ນັກວິຊາການແລະວົງການສື່ມວນຊົນຂອງການາດາທັງມົດ 500 ກວ່າທ່ານໄດ້ເຂົ້າຮ່ວມ.

      ທ່ານ ເສິ້ນໄຫຊົງ ກ່າວວ່າ: ເນື່ອງໃນໂອກາດສາທາລະນະລັດປະຊາຊົນຈີນສະຖາປະນາຂຶ້ນຄົບຮອບ 75 ປີ, ວິທະຍຸໂທລະພາບສູນກາງຈີນຫຼື CMG ໄດ້ດຳເນີນກິດຈະກຳ “ຈົດໝາຍທາງອອນລາຍ:ເລື່ອງລາວຂອງຂ້ອຍກັບຈີນ”ໃນຂອບເຂດທົ່ວໂລກ, ເພື່ອນມິດຈາກ 60 ກວ່າປະເທດໄດ້ເລົ່າເລື່ອງລາວສາຍໃຍຜູກພັນລະຫວ່າງຈີນກັບຕ່າງປະເທດເຖິງ 1.600 ກວ່າເລື່ອງ ເຊິ່ງໄດ້ວາດພາບແຫ່ງວັດທະນະທຳຈີນທີ່ເຕັມໄປດ້ວຍຄວາມຮູ້ສຶກຕື່ນເຕັ້ນແລະຄວາມອົບອຸ່ນທີ່ສຸດ.