ວັນທີ 29 ກັນຍານີ້, ງານວາງສະແດງສິນຄ້າດີຈີຕອນໂລກຄັ້ງທີ 3 ໄດ້ສິ້ນສຸດລົງຢູ່ນະຄອນຫາງໂຈ່ວແຂວງເຈີ້ຈ່ຽງຈີນ. ມີບໍລິສັດທັງໝົດ 1546 ແຫ່ງໄດ້ເຂົ້າຮ່ວມງານວາງສະແດງຄັ້ງນີ້ແບບອອຟລາຍ, ມີຜູ້ຕາງໜ້າບໍລິສັດຫ້ອງຮ້ານຫຼາຍກວ່າ 30.000 ຄົນໄດ້ເຈລະຈາຊື້ຂາຍສິນຄ້າ ແລະມີຜູ້ເຂົ້າຊົມຫຼາຍກວ່າ 200.000 ເທື່ອຄົນ. ມີ 113 ໂຄງການໄດ້ລົງນາມຢູ່ພາຍໃນ ແລະນອກສະຖານທີ່ຈັດງານ ເຊິ່ງໄດ້ບັນລຸມູນຄ່າສັນຍາ 165.08 ຕື້ຢວນ.

ງານວາງສະແດງສິນຄ້າດີຈີຕອນໂລກຄັ້ງນີ້ໄດ້ປິ່ນອ້ອມ 5 ຂົງເຂດ ເຊັ່ນ: ການຄ້າຜະລິດຕະພັນດີຈີຕອນ, ການຄ້າເຕັກໂນໂລຊີດີຈີຕອນ ແລະອື່ນໆ, ສົມທົບກັບຄວາມຕ້ອງການດ້ານອຸດສາຫະກຳ ແລະການຕະຫຼາດ, ມີ 446 ຜະລິດຕະພັນ ແລະເຕັກໂນໂລຊີໃໝ່ໄດ້ນຳສະເໜີເປັນຄັ້ງທຳອິດໃນງານວາງສະແດງສິນຄ້າດີຈີຕອນໂລກຄັ້ງນີ້, ໃນນັ້ນ ກວມເກືອບໜຶ່ງສ່ວນສີ່ແມ່ນມາຈາກຕ່າງປະເທດ.