ວັນທີ 30 ກັນຍາແລ້ວນີ້, ກອງປະຊຸມອິນເຕີເນັດໂລກແຈ້ງໃຫ້ຊາບວ່າ: ກອງປະຊຸມສຸດຍອດອູ່ເຈີ້ນຂອງກອງປະຊຸມອິນເຕີເນັດໂລກປີ 2024 ຈະຈັດຂຶ້ນຢູ່ເມືອງອູ່ເຈີ້ນ ແຂວງເຈີ້ຈ່ຽງ ພາກຕາເວັນອອກສຽງໃຕ້ຈີນລະຫວ່າງວັນທີ 19 ຫາ 22 ພະຈິກປີນີ້.

    ກອງປະຊຸມສຸດຍອດອູ່ເຈີ້ນເທື່ອນີ້ຈະສຸມໃສ່ປັນຍາປະດິດຢ່າງຮອບດ້ານ,ຈະຈັດ 24 ເວທີສາຂາໂດຍປິ່ນອ້ອມຫົວຂໍ້ຕ່າງໆ ເຊັ່ນ:ຂໍ້ລິເລີ່ມການພັດທະນາທົ່ວໂລກ,ການພັດທະນາແບບປະສານສົມທົບກັນຕ່ມທິດທີ່ຫັນເປັນດີຈີຕອນ ແລະ ສີຂຽວ, ເສດຖະກິດດີຈີຕອນ, ການພັດທະນາລະບົບນິເວດ,ການຄຸ້ມຄອງຂໍ້ມູນ, ການຄຸ້ມຄອງອິນເຕີເນັດຕາມກົດໝາຍ, ການແລກປ່ຽນແລະຖອດຖອນບົດຮຽນເຊິ່ງກັນແລະກັນໃນດ້ານວັດທະນະທຳອິນເຕີເນັດ, ການສຶກສາດີຈີຕອນ, ຊາວໜຸ່ມກັບອະນາຄົດດີຈີຕອນ, ການປະດິດສ້າງເຕັກນິກໃໝ່ ແລະ ການຄຸ້ມຄອງດ້ານປັນຍາປະດິດ, ການພັດທະນາເຕັກນິກຄວາມໝັ້ນຄົງທາງອິນເຕີເນັດ ກັບ ການຮ່ວມມືສາກົນແລະອື່ນໆ.

     ຮອດເວລານັ້ນ, ກອງປະຊຸມອິນເຕີເນັດໂລກຈະເຊື້ອເຊີນບຸກຄົນວິຊາການວົງການຕ່າງໆໃນທົ່ວໂລກເຕົ້າໂຮມກັນຢູ່ເມືອງອູ່ເຈີ້ນ, ພ້ອມກັນກຳເອົາໂອກາດໃໝ່, ຮັບມື້ກັບສິ່ງທ້າທາຍໃໝ່ ເພື່ອຊຸກຍູ້ໃຫ້ເຕັກນິກປັນຍາປະດິດສ້າງຄວາມສຸກໃຫ້ແກ່ມວນມະນຸດຢ່າງດີກວ່າເກົ່າ.

    ນັບແຕ່ປີ 2014 ເປັນຕົ້ນມາ, ກອງປະຊຸມສຸດຍອດອູ່ເຈີ້ນໄດ້ຈັດຂຶ້ນຢ່າງສຳເລັດຜົນເປັນເວລາ 10 ປີຢ່າງລຽນຕິດແລ້ວ.