ເນື່ອງໃນໂອກາດສະຫຼອງວັນສະຖາປະນາສປຈີນຄົບຮອບ 75 ປີ, ພິທີວາງພວງມາລາເຖິງວິລະຊົນປະຊາຊົນໃນວັນລະລຶກວິລະຊົນຜູ້ສະຫຼະຊີວິດ ໄດ້ຈັດຂຶ້ນຢູ່ສະໜາມຫຼວງທ່ຽນອ່ານເມີນນະຄອນຫຼວງປັກກິ່ງຢ່າງຄຶກຄື້ນໃນວັນທີ 30 ກັນຍາແລ້ວນີ້, ຜູ້ນຳພັກແລະລັດຈີນພ້ອມກັບຜູ້ຕາງໜ້າວົງການຕ່າງໆໄດ້ເຂົ້າຮ່ວມພິທີດັ່ງກ່າວ.

   ຢູ່ໃຈກາງສະໜາມຫຼວງທ່ຽນອ່ານເມີນທີ່ກວ້າງໃຫຍ່ ມີພວງມາລາໃຫຍ່ທີ່ປະດັບເປັນໜັງສື“ອວຍພອນປະເທດຊາດ”ທີ່ສະແດງຄວາມອວຍພອນອັນດີງາມຕໍ່ປະເທດຊາດທີ່ຈະເລີນຮຸ່ງເຮືອງ. ຢູ່ຂ້າງເໜືອຂອງອະນຸສາວະລີວິລະຊົນປະຊາຊົນ, ແທ່ນດອກໄມ້ 2 ຈຸໄດ້ປະດັບດ້ວຍພວງມາລາ 18 ພວງທີ່ປະກອບດ້ວຍດອກເບັນຈະມາດສີຂາວແລະດອກໄມ້ສົດອື່ນໆ ເຊິ່ງສະແດງໃຫ້ເຫັນເຖິງຄວາມໄວ້ອາໄວຢ່າງເລິກເຊິ່ງຂອງປະຊາຊົນທົ່ວປະເທດຈີນຕໍ່ວິລະຊົນຜູ້ສະຫຼະຊີວິດ.

   ຜູ້ນຳພັກແລະລັດຈີນ ເຊັ່ນທ່ານສີຈິ້ນຜິງເປັນຕົ້ນໄດ້ຢືນຢູ່ຕໍ່ໜ້າພວງມາລາແລະທຳຄວາມເຄົາລົບ. ຈາກນັ້ນ ໄດ້ຍ່າງອ້ອມອະນຸສາວະລີວິລະຊົນປະຊາຊົນຢ່າງຊ້າໆ.