ວັນທີ 2 ຕຸລານີ້, ໂຄສົກກະຊວງການຕ່າງປະເທດຈີນໄດ້ຕອບຄຳຖາມກ່ຽວກັບສະຖານະການລີບັງ-ອິດສະຣາແອນ ແລະ ອີຣານ-ອິດສະຣາແອນຮຸນແຮງຂຶ້ນ.

    ມີນັກຂ່າວຖາມວ່າ: ວັນທີ 1 ຕຸລານີ້, ອິດສະຣາແອນໄດ້ດຳເນີນການເຄື່ອນໄຫວດ້ານການທະຫານທາງບົກຢູ່ພາກໃຕ້ລີບັງ. ຕອນຂ້ອນແຈ້ງວັນທີ 2 ຕຸລານີ້, ອີຣານໄດ້ໂຈມຕີອິດສະຣາແອນທາງການທະຫານ. ຈີນມີຄວາມເຫັນແນວໃດຕໍ່ກັບເລື່ອງດັ່ງກ່າວ?

    ໂຄສົກກະຊວງການຕ່າງປະເທດຈີນກ່າວວ່າ: ຈີນມີຄວາມເປັນຫ່ວງຕໍ່ສະຖານະການຢູ່ຕາເວັນອອກກາງທີ່ມີຄວາມປັ່ນປ່ວນ, ຄັດຄ້ານການລ່ວງລະເມີດອະທິປະໄຕ, ຄວາມໝັ້ນຄົງ ແລະ ຜືນແຜ່ນດິນອັນຄົບຖ້ວນຂອງລີລັງ, ຄັດຄ້ານການເຮັດໃຫ້ຂໍ້ຂັດແຍ້ງຮຸນແຮງຂຶ້ນ ແລະ ຂະຫຍາຍການປະທະກັນໃຫ້ກວ້າງອອກ. ຈີນຮຽກຮ້ອງໃຫ້ປະຊາຄົມໂລກ  ໂດຍສະເພາະແມ່ນປະເທດໃຫຍ່ທີ່ມີອິດທິພົນຈົ່ງເສີມຂະຫຍາຍບົດບາດທີ່ມີລັກສະນະສ້າງສັນຢ່າງແທ້ຈິງ,  ຫຼີກລ່ຽງບໍ່ໃຫ້ສະຖານະການຮຸນແຮງຂຶ້ນຕື່ມອີກ. ຈີນເຫັນວ່າ: ການທີ່ບໍ່ສາມາດບັນລຸໃຫ້ເຂດກາຊາຢຸດຍິງມາໂດຍຕະຫຼອດແມ່ນສາເຫດຕົ້ນຕໍທີ່ພາໃຫ້ເກີດຄວາມປັ່ນປ່ວນຮອບນີ້ຢູ່ຕາເວັນອອກກາງ, ບັນດາຝ່າຍຄວນບັນລຸໃຫ້ເຂດກາຊາຢຸດຍິງຢ່າງຮອບດ້ານ ແລະ ຖາວອນໂດຍໄວ.