ໃນຫວ່າງຫຼາຍມື້ທີ່ຜ່ານມາ, ຈໍານວນຜູ້ເສຍຊີວິດຈາກພາຍຸເຮເລນນີຢູ່ຫຼາຍລັດທາງພາກຕາເວັນອອກສຽງໃຕ້ຂອງອາເມຣິກາໄດ້ເພີ່ມຂຶ້ນຢ່າງຕໍ່ເນື່ອງ. ອີງຕາມຕົວເລກຂໍ້ມູນຈາກສື່ມວນຊົນອາເມຣິກາລາຍງານໃຫ້ຮູ້ວ່າ: ນັບມາຮອດຕອນເຊົ້າວັນທີ 3 ຕຸລານີ້, ພາຍຸເຮເລນນີໄດ້ເຮັດໃຫ້ມີຜູ້ເສຍຊີວິດຢ່າງໜ້ອຍ 200 ຄົນ, ຫຼາຍຮ້ອຍຄົນຂາດການຕິດຕໍ່ກັນ.

   ເວັບໄຊຂ່າວສານໂທລະພາບເຄເບິນອາເມຣິກາ ຫຼື CNN ລາຍງານວ່າ: ພາຍຸເຮເລນນີໄດ້ກາຍເປັນພາຍຸທີ່ເຮັດໃຫ້ມີຈໍານວນຜູ້ເສຍຊີວິດຫຼາຍທີ່ສຸດຢູ່ແຜ່ນດິນໃຫຍ່ອາເມຣິການັບແຕ່ພາຍຸກາຕຣິນາເມື່ອປີ 2005 ເປັນຕົ້ນມາ.

   ປັດຈຸບັນ, ເຈົ້າໜ້າທີ່ຮັບມືເຫດການສຸກເສີນພວມເລັ່ງປະຕິບັດວຽກງານຊ່ວຍເຫຼືອກູ້ໄພ ແລະ ຟື້ນຟູພາຍຫຼັງໄພພິບັດ. ນອກນີ້, ອີງຕາມຕົວເລກຂໍ້ມູນຈາກເວັບໄຊຕິດຕາມຂໍ້ມູນພະລັງງານໄຟຟ້າອາເມຣິກາແຈ້ງໃຫ້ຮູ້ວ່າ: ນັບມາຮອດຕອນຄໍ່າວັນທີ 2 ຕຸລານີ້, ມີປະຊາຊົນ ແລະ ຜູ້ຊົມໃຊ້ໄຟຟ້າທາງວິສາຫະກິດຫຼາຍກວ່າ 1.000.000 ຄົນຂາດການນໍາໃຊ້ໄຟຟ້າ.