ເຈົ້າໜ້າທີ່ອາເມຣິກາຢືນຢັນວ່າ ອິດສະຣາແອນບໍ່ໄດ້ໃຫ້ການຮັບປະກັນວ່າຈະບໍ່ໂຈມຕີລັກສະນະແກ້ແຄ້ນຕໍ່ສິ່ງກໍ່ສ້າງທາງນີວເຄລຍຂອງອີຣານ

2024-10-06 11:03:45 cri

ວິທະຍຸໂທລະພາບສູນກາງຈີນຫຼືCMGລາຍງານວ່າ: ວັນທີ 4 ຕຸລານີ້, ເຈົ້າໜ້າທີ່ລະດັບສູງຜູ້ໜຶ່ງຂອງກະຊວງການຕ່າງປະເທດອາເມຣິກາກ່າວຢືນຢັນວ່າ: ຝ່າຍອິດສະຣາແອນບໍ່ໄດ້ໃຫ້ການຮັບປະກັນຕໍ່ລັດຖະບານອາເມຣິກາພາຍໃຕ້ການນຳຂອງທ່ານໂຈໄບເດັນວ່າ ຈະບໍ່ໂຈມຕີລັກສະນະແກ້ແຄ້ນຕໍ່ສິ່ງກໍ່ສ້າງທາງນີວເຄລຍຂອງອີຣານ.

ເຈົ້າໜ້າທີ່ຜູ້ນີ້ກ່າວຕື່ມວ່າ: ມັນຍາກທີ່ຈະຕີລາຄາໄດ້ວ່າ ວັນທີ 7 ຕຸລານີ້ ເຊິ່ງເປັນວັນຄົບຮອບ1ປີທີ່ຂະບວນການຕໍ່ຕ້ານອິດສະຣາມິກຂອງປາແລັດສະຕິນຫຼື ຮາມາສ ໂຈມຕີອິດສະຣາແອນຢ່າງຂະໜາດໃຫຍ່ນັ້ນ, ອິດສະຣາແອນຈະທຳການໂຈມຕີລັກສະນະແກ້ແຄ້ນຫຼືບໍ່.