ວັນທີ 6 ຕຸລານີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ ປະທານປະເທດຈີນ ແລະ ທ່ານກິມເຈິງອຸນ ເລຂາທິການໃຫຍ່ສູນກາງພັກແຮງງານເກົາຫຼີ ປະທານຄະນະກຳມະການວຽກງານແຫ່ງລັດສປປ ເກົາຫຼີໄດ້ສົ່ງໂທລະເລກຊົມເຊີຍເຊິ່ງກັນແລະກັນເນື່ອງໃນໂອກາດທີ່ສອງປະເທດສ້າງຕັ້ງສາຍພົວພັນທາງການທູດຄົບຮອບ75ປີ.

ເນື້ອໃນໂທລະເລກຊົມເຊີຍຂອງທ່ານສີຈິ້ນຜິງລະບຸວ່າ: ກ່ອນໜ້ານີ້ 75 ປີ, ຈີນ ແລະ ສປປ ເກົາຫຼີໄດ້ສ້າງຕັ້ງສາຍພົວພັນທາງການທູດນຳກັນຢ່າງເປັນທາງການ,  ໄດ້ເປີດປະຫວັດສາດໜ້າໃໝ່ຂອງສາຍພົວພັນລະຫວ່າງສອງປະເທດ ເຊິ່ງມີຄວາມໝາຍສຳຄັນແບບໄຂສັງກາດໃໝ່. ພາຍໃຕ້ສະພາບການໃໝ່ໃນໄລຍະໃໝ່, ຈີນຍິນດີຮ່ວມກັບສປປ ເກົາຫຼີ ຖືເອົາໂອກາດທີ່ສອງປະເທດສ້າງຕັ້ງສາຍພົວພັນທາງການທູດຄົບຮອບ75ປີ ເພື່ອເພີ່ມທະວີການແລກປ່ຽນແລະປະສານງານທາງຍຸດທະສາດ, ລົງເລິກມິດຕະພາບແລະການຮ່ວມມືແລກປ່ຽນກັນ, ສືບຕໍ່ຂຽນປະຫວັດສາດໜ້າໃໝ່ແຫ່ງມິດຕະພາບອັນເປັນມູນເຊື້ອລະຫວ່າງຈີນ-ສປປເກົາຫຼີ, ຮ່ວມກັນຊຸກຍູ້ພາລະກິດສັງຄົມນິຍົມຂອງສອງປະເທດໃຫ້ຂະຫຍາຍຕົວກ້າວໄປຂ້າງຫນ້າຢ່າງໜັກແໜ້ນ, ເພື່ອສ້າງຄວາມສຸກໃຫ້ແກ່ປະຊາຊົນສອງຊາດດີງາມກວ່າເກົ່າ.

ເນື້ອໃນໂທລະເລກຊົມເຊີຍຂອງທ່ານກິມເຈິງອຸນລະບຸວ່າ: ອວຍພອນໃຫ້ປະຊາຊົນຈີນພາຍໃຕ້ການນຳພາຂອງພັກຄອມມູນິດຈີນທີ່ມີທ່ານເລຂາທິການໃຫຍ່ສີຈິ້ນຜິງເປັນແກນນຳ ຈົ່ງປະສົບຜົນສຳເລັດໃໝ່ຢ່າງບໍ່ຢຸດຢັ້ງບົນຂະບວນການສ້າງສາປະເທດສັງຄົມນິຍົມທັນສະໄໝຢ່າງຮອບດ້ານ.