(ຜູ້ຖ່າຍຮູບ: ນາງ ເສີນຢາວ)

ໄລຍະພັກວັນຊາດຈີນໃກ້ຈະສິ້ນສຸດລົງ, ແຫ່ງຕ່າງໆຂອງຈີນພວມເຂົ້າສູ່ໄລຍະທີ່ມີຜູ້ໂດຍສານຈຳນວນຫຼວງຫຼາຍກັບຄືນສູ່ບ່ອນຢູ່ອາໄສ.

ຕົວເລກສະຕິຖິຫຼ້າສຸດຂອງກະຊວງຄົມມະນາຄົມຂົນສົ່ງຈີນສະແດງໃຫ້ເຫັນວ່າ: ວັນທີ 6 ຕຸລານີ້, ຄາດວ່າປະລິມານການເດີນທາງຂ້າມເຂດແຄ້ວນໃນທົ່ວສັງຄົມຂອງຜູ້ຄົນມີເຖິງ 282.160.000 ເທື່ອຄົນ, ເພີ່ມຂຶ້ນ 6,5% ເມື່ອທຽບໃສ່ໄລຍະດຽວກັນຂອງປີ 2023.

ຕົວເລກຂໍ້ມູນຈາກກຸ່ມບໍລິສັດທາງລົດໄຟແຫ່ງຊາດຈີນຈຳກັດສະແດງໃຫ້ເຫັນວ່າ: ວັນທີ 6 ຕຸລານີ້, ເສັ້ນທາງລົດໄຟທົ່ວປະເທດຈີນໄດ້ຂົນສົ່ງຜູ້ໂດຍສານ 18.524.000 ເທື່ອຄົນ; ວັນທີ 7 ຕຸລານີ້, ຄາດວ່າຈະຂົນສົ່ງຜູ້ໂດຍສານ 19.860.000 ເທື່ອຄົນ, ໄດ້ເພີ່ມຂະບວນລົດໄຟ 1.705 ຂະບວນ. ນັບແຕ່ເລີ່ມການຂົນສົ່ງໃນໄລຍະພັກວັນຊາດຈີນ ຄືລະຫວ່າງວັນທີ 1-7 ຕຸລານີ້ເປັນຕົ້ນມາ, ເສັ້ນທາງລົດໄຟທົ່ວປະເທດຈີນໄດ້ຂົນສົ່ງຜູ້ໂດຍສານຫຼາຍກວ່າ 17 ລ້ານເທື່ອຄົນເປັນ 6 ວັນຕິດຕໍ່ກັນ.