ວັນທີ 4 ຕຸລານີ້, ຜູ້ຕາງໜ້າປະເທດສະມາຊິກຂອງສະຫະພາບເອີຣົບໄດ້ປ່ອນບັດຮັບຮອງຮ່າງມະຕິວ່າດ້ວຍຜົນການຕັດສິນສຸດທ້າຍຂອງແຜນການຕ້ານການອຸດໜູນຕໍ່ລົດພະລັງງານໄຟຟ້າທີ່ສະເໜີໂດຍຄະນະກຳມາທິການສະຫະພາບເອີ ຣົບ, ໂດຍຈະເກັບພາສີຕ້ານການອຸດໜູນຂາດຕົວຕໍ່ລົດພະລັງງານໄຟຟ້າທີ່ຜະລິດຢູ່ຈີນ. ພາຍຫຼັງສະຫະພາບເອີຣົບໄດ້ເປີດເຜີຍຂໍ້ຕົກລົງດັ່ງກ່າວ, ກໍໄດ້ຮັບສຽງຄັດຄ້ານຢ່າງຈະແຈ້ງຈາກວິສາຫະກິດຜະລິດລົດຍົນຫຼາຍແຫ່ງຂອງເອີຣົບ.

   ວິສາຫະກິດຜະລິດລົດຍົນຕົ້ນຕໍຂອງເອີຣົບເຊັ່ນ: ວອກສ໌ວາເກິນ, BMW, ເມິເຊເດສ-ເປນສ໌ ເປັນຕົ້ນລ້ວນແຕ່ກ່າວເນັ້ນໜັກວ່າ: ການເພີ່ມພາສີຕໍ່ລົດພະລັງງານໄຟຟ້າຂອງຈີນແມ່ນ “ການກະທໍາທີ່ຜິດພາດ”. ປະທານສະມາຄົມອຸດສາຫະກໍາລົດຍົນເຢຍລະມັນໄດ້ຢືນຢັນເມື່ອວັນທີ 4 ຕຸລານີ້ວ່າ: ສະຫະພາບເອີຣົບເພີ່ມພາສີຕໍ່ລົດພະລັງງານໄຟຟ້າຂອງຈີນຈະສ້າງຜົນສະທ້ອນທີ່ບໍ່ດີຕໍ່ອຸດສາຫະກໍາລົດຍົນຂອງເອີຣົບ.

   ພ້ອມດຽວກັນນີ້, ຜູ້ປະກອບການອຸດສາຫະກໍາລົດຍົນຂອງປະເທດຕ່າງໆ ເຊັ່ນ: ບຸນກາຣີ, ໂປໂລຍ, ໂກຼອາຊີ, ມານຕາ ເປັນຕົ້ນກໍພາກັນຢືນຢັນວ່າ: ການເພີ່ມພາສີຈະເພີ່ມພາລະໃຫ້ແກ່ຜູ້ບໍລິໂພກເອີຣົບ ແລະ ຈະບໍ່ມີຜົນດີຕໍ່ການແຂ່ງຂັນຢ່າງປອດໃສກໍຄືການຫັນເປັນແບບສີຂຽວຂອງອຸດສາຫະກໍາລົດຍົນພະລັງງານໄຟຟ້າຂອງເອີຣົບນໍາອີກ.