ວັນທີ 6 ຕຸລານີ້, ກະຊວງສຶກສາທິການລີບັງຢືນຢັນວ່າ: ເນື່ອງຈາກວ່າການປະທະກັນລະຫວ່າງອິດສະຣາແອນກັບກຸ່ມເຮັສບູນລາລີບັງຍົກລະດັບສູງຂຶ້ນເລື້ອຍໆ, ໂຮງຮຽນລັດທົ່ວປະເທດລີບັງຈະເລື່ອນເວລາໄຂສົກຮຽນໃໝ່.

ທ່ານອັບບາສ ຮາລາບີ ລັດຖະມົນຕີກະຊວງສຶກສາທິການລີບັງກ່າວວ່າ: ໂຮງຮຽນຈຳນວນໜຶ່ງຢູ່ພາຍໃນລີບັງຖືກໂຈມຕີທຳລາຍ, ຍັງມີໂຮງຮຽນສ່ວນໜຶ່ງກາຍເປັນບ່ອນລີ້ໄພຊົ່ວຄາວຂອງຜູ້ບໍ່ມີບ່ອນຢູ່ອາໄສ, ດັ່ງນັ້ນ, ກະຊວງສຶກສາທິການລີບັງຈິ່ງຕົກລົງເລື່ອນເວລາໄຂສົກຮຽນໃໝ່ຂອງໂຮງຮຽນລັດທົ່ວປະເທດໄປຮອດທ້າຍເດືອນຕຸລານີ້, ຕໍ່ໜ້ານີ້ຍັງຈະສືບຕໍ່ປ່ຽນເວລາໄຂສົກຮຽນໃໝ່ຕາມການປ່ຽນແປງຂອງສະຖານະການ.

ຕໍ່ກັບເລື່ອງນີ້, ນັກຮຽນແລະຜູ້ປົກຄອງຈຳນວນໜຶ່ງຫວັງວ່າສະຖານະການຈະຜ່ອນຄາຍລົງໂດຍໄວ ເພື່ອໃຫ້ຜູ້ບໍ່ມີບ່ອນຢູ່ອາໄສກັບຄືນສູ່ບ້ານເຮືອນຂອງຕົນ ແລະ ນັກຮຽນສາມາດກັບໄປຮຽນຢູ່ໂຮງຮຽນໄດ້ໂດຍໄວ.