“ສິດທິທຸກຢ່າງຂອງສາທາລະນະລັດປະຊາຊົນຈີນເປັນຂອງປະຊາຊົນ” ໄດ້ຖືກລະບຸໄວ້ໃນລັດຖະທຳມະນູນຂອງຈີນ. ພາຍຫຼັງໄດ້ສ້າງຕັ້ງສາທາລະນະລັດປະຊາຊົນປະເທດຈີນເປັນເວລາ 75 ປີມານີ້, ສະພາບການປະຊາທິປະໄຕຂອງຈີນເປັນຄືແນວໃດ? ຂໍໃຫ້ບັນດາທ່ານຕິດຕາມຂໍ້ມູນດັ່ງຕໍ່ໄປນີ້: ໃນການເລືອກຕັ້ງສະພາປະຊາຊົນຈີນຂັ້ນເມືອງ ແລະ ຂັ້ນຕາແສງຄັ້ງຫຼ້າສຸດທີ່ສຳເລັດລົງໃນ 2 ປີກ່ອນ, ປະຊາຊົນຈີນຜູ້ມີສິດເລືອກຕັ້ງທັງໝົດ 1 ຕື້ກວ່າຄົນໄດ້ປ່ອນບັດເລືອກຕັ້ງຜູ້ແທນສະພາປະຊາຊົນຂັ້ນເມືອງ ແລະ ຂັ້ນຕາແສງຫຼາຍກວ່າ 2,6 ລ້ານຄົນ; ກອງປະຊຸມສະພາປະຊາຊົນແຫ່ງຊາດ ແລະ ກອງປະຊຸມສະພາເປິກສາການເມືອງປະຊາຊົນແຫ່ງຊາດ ຫຼື ເອີ້ນຫຍໍ້ວ່າ “ກອງປະຊຸມສອງສະພາ” ຂອງຈີນທີ່ຈັດຂຶ້ນໃນເດືອນມີນາທຸກໆປີ, ຜູ້ແທນສະພາປະຊາຊົນ ແລະ ກຳມະການສະພາເປິກສາການເມືອງປະຊາຊົນກໍນຳເອົາຄວາມປາຖະໜາຂອງປະຊາຊົນໄປເຖິງນະຄອນຫຼວງປັກກິ່ງ ເພື່ອປະກອບຄຳເຫັນ ແລະ ຂໍ້ສະເໜີສຳລັບການພັດທະນາ ແລະ ຄວາມກ້າວໜ້າຂອງປະເທດຊາດ; ທ້ອງຖິ່ນຕ່າງໆຂອງຈີນໄດ້ສ້າງຕັ້ງຈຸດຕິດຕໍ່ດ້ານນິຕິບັນຍັດຂັ້ນຮາກຖານທັງໝົດ 6.000 ກວ່າແຫ່ງ ເຊິ່ງເປັນການອຳນວຄວາມສະດວກໃຫ້ແກ່ປະຊາຊົນໃນການມີສ່ວນຮ່ວມໃນການສ້າງກົດໝາຍຕ່າງໆ; ບໍ່ວ່າໃນຄຸ້ມຊຸມຊົນໃນຕົວເມືອງ ຫຼື ຢູ່ຊົນນະບົດ, ປະຊາຊົນຈີນສາມດເປິກສາຫາລືວຽກບ້ານການເຮືອນຮ່ວມກັນ ໂດຍຜ່ານເວັບໄຊຂອງອົງການຈັດຕັ້ງຂັ້ນຮາກຖານ…ອາດເວົ້າໄດ້ວ່າ: ປະຊາທິປະໄຕແບບຈີນໄດ້ສ່ອງແສງໃຫ້ເຫັນໃນການວາງແນວທາງນະໂຍບາຍຂອງລັດ ທັງໄດ້ສ່ອງແສງໃຫ້ເຫັນໃນວຽກງານລະອຽດຕ່າງໆ ທີ່ມີສ່ວນກ່ຽວຂ້ອງກັບຊີວິດການເປັນຢູ່ຂອງປະຊາຊົນໂດຍກົງ.

ໂດຍສະເພາະແມ່ນນັບແຕ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 18 ຂອງພັກກອມມູນິດຈີນເປັນຕົ້ນມາ, ພັກກຳອຳນາດຂອງຈີນໄດ້ສະເໜີແນວຄວາມຄິດ “ປະຊາທິປະໄຕຂອງປະຊາຊົນທົ່ວຂະບວນການ” ເຊິ່ງໄດ້ຕ່າງກັບລະບອບປະຊາທິປະໄຕຂອງປະເທດຕາເວັນຕົກ, ປະຊາທິປະໄຕຂອງປະຊາຊົນທົ່ວຂະບວນການຂອງຈີນໄດ້ບັນລຸຄວາມເອກະພາບກັນລະຫວ່າງຂະບວນການປະຊາທິປະໄຕ ແລະ ຜົນຂອງປະຊາທິປະໄຕ, ລະຫວ່າງປະຊາທິປະໄຕລະບຽບການ ແລະ ປະຊາທິປະໄຕທີ່ມີລັກສະນະທາດແທ້, ລະຫວ່າງປະຊາທິປະໄຕໂດຍກົງ ແລະ ປະຊາທິປະໄຕໂດຍທາງອ້ອມ, ລະຫວ່າງປະຊາທິປະໄຕຂອງປະຊາຊົນ ແລະ ມານະຈິດຂອງຊາດ, ເປັນປະຊາທິປະໄຕທົ່ວຂະບວນການ, ຄົບວົງຈອນ ແລະ ປົກຄຸມຢ່າງຮອບດ້ານ, ແມ່ນປະຊາທິປະໄຕສັງຄົມນິຍົມທີ່ກວ້າງຂວາງທີ່ສຸດ, ຕິດແທດຕົວຈິງທີ່ສຸດ ແລະ ມີປະສິດທິພາບຫຼາຍທີ່ສຸດ.

ສາມາດເວົ້າໄດ້ວ່າ: ຕັ້ງແຕ່ສາທາລະນະລັດປະຊາຊົນຈີນສ້າງຕັ້ງຂຶ້ນຕະຫຼອດໄລຍະ 75 ປີຜ່ານມາ ໄດ້ສ້າງຄວາມອັດສະຈັນສອງຢ່າງ ຄື ເສດຖະກິດພັດທະນາຢ່າງວ່ອງໄວ ແລະ ສັງຄົມມີຄວາມສະຫງົບເປັນເວລາຍາວນານ, ຂະນະທີ່ປະຊາຊົນທິປະໄຕຂອງປະຊາຊົນທົ່ວຂະບວນການ ກໍເປັນສິ່ງຄ້ຳປະກັນອັນສຳຄັນຂອງຈີນໃນການສ້າງຄວາມອັດສະຈັນສອງຢ່າງດັ່ງກ່າວ.