ວັນທີ 7 ຕຸລານີ້, ທ່ານມູຮາມັດ ຊາບາ ຊາຣິຟ ນາຍົກລັດຖະມົນຕີປາກິດສະຖານໄດ້ກ່າວປະນາມຢ່າງຮຸນແຮງຕໍ່ເຫດການໂຈມຕີແບບກໍ່ການຮ້າຍທີ່ແນໃສ່ຂະບວນລົດຂອງວິສາຫະກິດຈີນທີ່ເກີດຂຶ້ນຢູ່ນະຄອນກາຣາຈີ ເທດສະບານແຂວງຊິນທາງພາກໃຕ້ຂອງປາກິດສະຖານ.

ທ່ານຊາບາ ຊາຣິຟໄດ້ອອກຖະແຫຼງການວ່າ: ເຫດການເສົ້າສະຫຼົດໃຈທີ່ເກີດຂຶ້ນຢູ່ນະຄອນກາຣາຈີໃນຕອນຄ່ຳຂອງວັນທີ 6 ຕຸລານີ້ໄດ້ເຮັດໃຫ້ຝ່າຍຈີນມີຜູ້ເສຍຊີວິດ 2 ຄົນແລະບາດເຈັບ 1 ຄົນ, ທ່ານຮູ້ສຶກຕື່ນຕົກໃຈແລະເສຍໃຈທີ່ສຸດຕໍ່ກັບເລື່ອງນີ້. ທ່ານກ່າວປະນາມຢ່າງຮຸນແຮງຕໍ່ການກະທຳທີ່ໜ້າລັງກຽດນີ້ແລະໄດ້ສະແດງຄວາມໄວ້ອາໄລຢ່າງສຸດຊຶ້ງຕໍ່ຜູ້ເສຍຊີວິດ, ສະແດງຄວາມຢື້ຢາມຖາມຂ່າວຢ່າງຈິງໃຈຕໍ່ຄອບຄົວຂອງຜູ້ເສຍຊີວິດ, ຫວັງວ່າຜູ້ບາດເຈັບຈະຟື້ນຟູສຸຂະພາບໂດຍໄວ.

ທ່ານຊາບາ ຊາຣີຟກ່າວວ່າ: ປາກິດສະຖານກຳລັງດຳເນີນການເກັບກຳຂໍ້ມູນເພື່ອສືບສວນສອບສວນຜູ້ກໍ່ເຫດການໃຫ້ມີຄວາມຈະແຈ້ງແລະຈະລົງໂທດຕາມກົດໝາຍ.