ຕອນເຊົ້າວັນທີ 7 ຕຸລານີ້, ພິທີສະເຫຼີມສະຫຼອງວັນສ້າງຕັ້ງກອງຜະລິດ ແລະກໍ່ສ້າງຊິ່ນຈ່ຽງຄົບຮອບ 70 ປີໄດ້ຈັດຂຶ້ນຢູ່ສູນປະຊຸມ ແລະວາງສະແດງສາກົນເຂດປົກຄອງຕົນເອງອຸຍເກີຊິ່ນຈ່ຽງ. ຄະນະກຳມະການສູນກາງພັກຄອມມູນິດຈີນ, ລັດຖະບານຈີນ ແລະຄະນະກຳມະການການທະຫານສູນກາງຈີນໄດ້ສົ່ງຈົດໝາຍອວຍພອນມາໃຫ້. ທ່ານເຮີລີ້ເຟິ່ງ ກຳມະການກົມການເມືອງສູນກາງພັກຄອມມູນິດຈີນ, ຮອງນາຍົກລັດຖະມົນຕີຈີນ, ປະທານຄະນະຜູ້ແທນສູນກາງຈີນໄດ້ເຂົ້າຮ່ວມກອງປະຊຸມດັ່ງກ່າວ ແລະກ່າວຄຳປາໄສ.

ທ່ານເຮີລີ້ເຟິ່ງກ່າວວ່າ: ໃນຍຸກໃໝ່ ແລະຂະບວນການເດີນທາງຄັ້ງໃໝ່, ກອງຜະລິດ ແລະກໍ່ສ້າງຊິ່ນຈ່ຽງຕ້ອງຍຶດໝັ້ນຖືເອົາແນວຄິດສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ຂອງປະທານສີຈິ້ນຜິງເປັນທິດຊີ້ນຳ, ສ້າງກອງຜະລິດ ແລະກໍ່ສ້າງຊິ່ນຈ່ຽງໃຫ້ເຂັ້ມແຂງ ແລະຈະເລີນຮຸ່ງເຮືອງກວ່າເກົ່າ, ເສີມຂະຫຍາຍບົດບາດຫຼາຍກວ່າເກົ່າເຂົ້າໃນການສ້າງເຂດປົກຄອງຕົນເອງອຸຍເກີຊິ່ນຈ່ຽງໃຫ້ສວຍງາມ ແລະບັນລຸເປົ້າໝາຍລວມຂອງວຽກງານຊິ່ນຈ່ຽງ.